Posted: 04/30/2012 12:46 PM IST

       అమాయక గజరాజులు ప్రజలను గజగజలాడిస్తున్నారు.  కడప జిల్లా రైల్వేకోడూరు మండలంలో ఏనుగుల బీభత్సం ఇంకా కొనసాగుతోంది. తాజాగా జ్యోతికాలనీ (లెప్రసీకాలనీ)పై గజరాజులు విరుచుకుపడ్డాయి. పొలాలపై పడ్డ ఏనుగులు 50 మామిడిచెట్లు ధ్వంసం చేశాయి. రైల్వేకోడూరు మండలంలో గత కొద్దిరోజులుగా గజరాజులు స్వైరవీహారం చేస్తున్నాయి. పంట పొలాలపై పడి రైతులకు తీవ్ర నష్టం కలిగిస్తున్నాయి. ఏనుగుల బారి నుంచి తమ పంట పొలాలను కాపాడాలని అధికారులకు రైతులు మొరపెట్టుకుంటున్నారు. అయినప్పటికీ అధికారులు మిన్నకుండటంతో తరచూ గజరాజులు ఎప్పుడు విరుచుకుపడతాయో అని ఆ ప్రాంత ప్రజలు భయకంపితులవుతున్నారు.

...avnk