Posted: 04/26/2012 04:44 PM IST

హైదరాబాద్ ప్రజలు ఎన్నో రోజులుగా ఎప్పుడెప్పుడు పనులు ప్రారంభమై ఎంత త్వరగా ప్రాజెక్టు పూర్తవుతుందోనని ఎదురుచూస్తున్న మెట్రోరైలు పనులకు నేడు హంగు హార్బాటాలు లేకుండా నిడారంబరంగా శంకుస్థాపన జరిగింది. గతంలో దీని శంకుస్థాపనకు ప్రధాని వస్తాడని అనుకున్నా రాజకీయ కారణావల్ల రాలేకపోయారు.

ఈ మెట్రో రైలు ప్రాజెక్టుకు ఈ రోజు ఉదయం శంకుస్థాపన జరిగింది. ఉప్పల్ డిపోలో ప్రభుత్వ కార్యదర్శి పంకజ్ ద్వివేది భూమిపూజ చేసి పనులను ప్రారంభించారు. అనంతరం 10 గంటలకు ఉప్పల్ సమీపంలోని మెట్రో క్యాష్ అండ్ క్యారీ దగ్గర 3వ నంబర్ పిల్లర్‌కు, సర్వే ఆఫ్ ఇండియా వద్ద 19 వ నంబర్ పిల్లర్‌కు భూమి పూజ చేశారు. శుక్రవారం నుంచి పూర్తి స్థాయిలో పనులు జరగనున్నాయి. 
నగరంలో మూడు మార్గాల్లో 72.16 కిలోమీటర్ల మేర మెట్రోరైలు ప్రాజెక్టు చేపడతున్నారు. తొలిదశలో రెండు మార్గాలు కలుపుకుని 19 కిలోమీటర్ల దూరంలో నిర్మాణం చేపట్టాలని, మొదటి దశ నాగోలు శిల్పారామం మార్గం పూర్తి చేయాలని నిర్ణయించారు.