Posted: 04/16/2012 06:56 PM IST

రాష్ట్ర ప్రభుత్వాన్ని డిల్లీ పెద్దలు రిమోట్ కంట్రోల్‌తో నడిపిస్తున్నారని జగన్ ఆరోపించారు. ఉప ఎన్నికల ఫలితాలతో ఢిల్లీ పెద్దల కళ్లు తెరిపించాలని పిలుపునిచ్చారు. రాష్ట్రంలో ఏడాదిలో మధ్యంతర ఎన్నికలు వస్తాయి. ఆ ఎన్నికల్లో 294 స్థానాలనూ మనమే గెలుచుకొని ప్రభుత్వాన్ని ఏర్పాటుచేసి, సుస్థిర పాలన అందిస్తాం -వైఎస్సార్ కాంగ్రెస్ అధ్యక్షుడు వై.ఎస్.జగన్మోహన రెడ్డి మాటలివి.
జగన్ పర్యటనలో అనకాపల్లి ఎంపీ సబ్బం హరి పాల్గొన్నారు. వైఎస్ ప్రవేశపెట్టిన పథకాలను క్రమంగా నిర్వీర్యం చేస్తున్నారని ధ్వజమెత్తారు. ఆరోగ్యశ్రీ, ఫీజురీయింబర్స్‌మెంట్ పథకాలను ఇందుకు నిదర్శనంగా ఉదహరించారు. ఈ పర్యటనలో మూడు గ్రామాల్లో అపశ్రుతులు చోటు చేసుకున్నాయి. జగన్ వ్యక్తిగత భద్రతా సిబ్బంది అత్యుత్సాహం ప్రదర్శించారు. కోమర్తిలో జగన్ గన్‌మెన్ దురుసుగా ప్రవర్తించడంతో ఓ వృద్ధురాలు గాయపడింది. జగన్ పర్యటన కవర్ చేస్తున్న వ్యక్తిగత వీడియోగ్రాఫర్.. ఒక కార్యకర్త ముఖంపై పిడి గుద్దులు కురిపించాడు. మరో గ్రామంలో విశాఖ నుంచి జగన్‌ను అనుసరిస్తున్న ఒక మహిళ తోపులాటలో చిక్కుకొని తీవ్రంగా గాయపడింది. ఆమెను ఆస్పత్రికి తరలించారు.