Posted: 04/14/2012 03:01 PM IST

ఎటిఎం కార్డులు కొట్టేసి డబ్బులు తీసేసుకునే దొంగలకు దుర్వార్త. జపాన్‌లో గతేడాది మార్చిలో వచ్చిన సునామీ దేశం మొత్తాన్ని అతలాకుతలం చేసింది. అందరి ఏటీఎం కార్డులు, పాస్‌బుక్కులు గల్లంతైపోయాయి. ఈ అనుభవంతో ఏటీఎం కార్డులు, పాస్‌బుక్కులు లేకుండా.. కేవలం అరచేతి ముద్రలను గుర్తించి డబ్బులు ఇచ్చే బయోమెట్రిక్ ఏటీఎం మెషీన్‌ను ఏర్పాటు చేయాలని టోక్యోలోని ఓ ప్రాంతీయ బ్యాంకు ‘ఒగాకీ క్యోరిట్సూ’ నిర్ణయానికొచ్చింది.సెప్టెంబర్‌లో ఆ బ్యాంకు ఏర్పాటు చేయనున్న ఏటీఎం మెషీన్ ఫొటోనే ఇది. ఇలాంటి యంత్రాన్ని ప్రవేశపెట్టడం దేశంలో ఇదే తొలిసారి. అయితే దీనిలో డబ్బులు తీసుకోవడానికి..అరచేయి ముద్ర మాత్రమే సరిపోదండోయ్... పిన్ నంబరు, జనన తేదీ కూడా ఇవ్వాల్సిందే! ఏటీఎం కార్డును తరచు మర్చిపోయేవారికి ఇది శుభవార్త..