Posted: 04/10/2012 06:33 PM IST

రాష్ట్రంలో నేను తెలియని వారెవరూ లేరన్నారు. చిన్నపిల్లాడు మొదలు పండు ముదుసలి వరకు అందరికీ తాను తెలుసన్నారు. రామయ్య ప్యూచర్ లో తల్లిదండ్రులు కూడా మరిచిపోవచ్చని వ్యాఖ్యానించారు. ఎన్టీఆర్ భవన్ లో బాబు మోహన్ మీడియాతో మాట్లాడారు. ఒకప్పుడు బాబుమోహన్ ను చూసేందుకు ఇదే వర్ల రామయ్య రోడ్డుపై నిలుచున్నాడని , కానీ ఇప్పుడు తనెవరో తెలియదంటున్నారని ఆగ్రహం వ్యక్తం చేశారు. తనను తెలియదంటున్న వ్యక్తి ఆంద్రప్రదేశ్ లో ఉండేందుకు అనర్హుడని వ్యాఖ్యానించారు.

 ఇద్దరూ ఒకే పార్టీ నాయకులు. ఒకరు మాజీ మంత్రి.. మరొకరు పార్టీ ప్రధాన కార్యదర్శి. ఆ మాజీ మంత్రిపై పార్టీ ప్రధాన కార్యదర్శి ఛలోక్తిని విసరబోయాడు. అది కాస్తా శ్రుతిమించింది. దానితో మాజీ మంత్రికి కోపం వచ్చింది. ఆయన పార్టీ ప్రధాన కార్యదర్శిపై మండిపడ్డారు. ఈ రెండు సంఘటనలకు వేదిక ఎన్టీఆర్‌ ట్రస్టు భవన్‌ కావడం విశేషం. వివరాల్లోకి వెళితే ఇటీవల జరిగిన పత్రికా ప్రతినిధుల సమావేశంలో టీడీపీ ప్రధాన కార్యదర్శి వర్ల రామయ్య మాట్లాడుతూ ‘మా పార్టీలో ఓ హాస్యనటుడుంటాడు... అతనెవరు మోహన్‌... ఆహా కాదు బాబుమోహన్‌’ అంటూ తనకు ఆయనెవరో తెలియదన్నట్లుగా వ్యవహరించాడు.

తరువాత ఒక సిన్మాలోని సంఘటనను ఉదాహరిస్తూ ప్రభుత్వపక్షంపై విమర్శలు చేశారు. అది అంతా మర్చిపోయారు. కానీ ఎన్టీఆర్‌ ట్రస్టు భవన్‌లో జరిగిన పత్రికాప్రతినిధుల సమావేశానికి ఆ మాజీ మంత్రి, సినీనటుడు బాబుమోహన్‌ హాజరయ్యారు. ఆయన చెప్పాల్సినదంతా చెప్పిన తరువాత పాత్రికేయులు... ‘మీరెవరో రామ య్యకు తెలియదంట’ అని ప్రస్తావించారు. దానితో బాబు మోహన్‌ కోపం నషాళానికి అంటింది. కళ్లు నెత్తికెక్కి.. అహంకారం ఎక్కువైతే అంతే బ్రదర్‌.. అలాంటి మాటలే వస్తాయన్నారు. తాను తెలియదంటే ఈ రాష్ర్టంలో ఉండడానికే వీల్లేదంటూ ఆర్డర్‌ పాసు చేశారు. ముందు ఆ వ్యక్తిని వాళ్ల ఊళ్లో గుర్తుపడతారో లేదో చెప్పమను అని ఆగ్రహం వ్యక్తం చేశారు. అసలు ఆయనెవరో తనకు తెలియదన్నారు. ఒకే పార్టీకి చెందిన ఇద్దరు నాయకులు మీడియా సాక్షిగానే ఒకరిపై ఒక రు సెటైర్లు వేసుకోవడం పార్టీ వర్గాలను విస్మయపర్చింది.