Posted: 03/31/2012 01:39 PM IST

ఈ సమాజంలో మానవత్వం రోజురోజుకి మంటగలిసి పోతుంది. ఆస్తి కోసం కన్న వారినే కాదనే కసాయిలు తయారవుతున్నారు. డబ్బు కోసం ఎంతటి ఘోరానికైనా పాల్పడుతారని మరోసారి నిరూపించాడు. డబ్బుకోసం కన్న తల్లికి విషయం ఇచ్చి కిరాతకంగా చంపేశాడు ఓ కసాయి కొడుకు. ఈ సంఘటన ఒడిశాలోని బరంపురంలో జరిగింది.

ఆస్తి తగాదాల కారణంగా తన తల్లిని అడ్డుతొలగించుకోవాలని చూసిన హతురాలి రెండో కుమారుడు బిశ్వజీత్ పట్నాయక్ ఈ ఘోరానికి పాల్పడ్డాడు. ఈనెల 26వ తారీఖును ఇద్దరు పురుషులు, ఓ మహిళ సహాయంతో ఇంట్లోకి చొరబడి ఆమె మోకాలికి విషం ఇచ్చారు. తీవ్ర అస్థవ్యస్థకు గురైన ఆమె చికిత్స పొందుతూ మరణించింది. కేసు దర్యాప్తు చేస్తున్న పోలీసులకు అతని కొడుకు పై అనుమానం రావడంతో ఈ విషయం వెలుగు చూసింది.