Posted: 03/30/2012 08:30 PM IST

వైయస్సార్ కాంగ్రెసు అధ్యక్షుడు వైయస్ జగన్ ఆస్తుల కేసులో ఆరుగురు రాష్ట్ర మంత్రులకు సుప్రీంకోర్టు నోటీసులు అందాయి. వైయస్ రాజశేఖర రెడ్డి ప్రభుత్వ హయాంలో జారీ అయిన 26 జీవోలపై సుప్రీంకోర్టు ఈ నోటీసులు జారీ చేసింది. మంత్రులు ధర్మాన ప్రసాదరావు, మోపిదేవి వెంకటరమణ, సబితా ఇంద్రా రెడ్డి, జె. గీతా రెడ్డి, పొన్నాల లక్ష్మయ్య, కన్నా లక్ష్మినారాయణలు ఈ నోటీసులు అందుకున్నారు. తమకు నోటీసులు అందినట్లు మంత్రి కన్నా లక్ష్మినారాయణ ధ్రువీకరించారు. ఎనిమిది మంది ఐఎఎస్ అధికారులకు కూడా సుప్రీంకోర్టు నోటీసులు జారీ చేసింది. అయితే, తమకు నోటీసులు అందలేదని కొంత మంది ఐఎఎస్ అధికారులు చెబుతున్నారు.