Posted: 03/30/2012 08:34 PM IST

మీరు ఆఫీసుకు గడ్డం గీసుకోలేక రోజు మీ బాస్ చేతిలో చివాట్లు తింటున్నారా ? వారానికి కనీసం రెండు సార్లు గడ్డం గీసుకుంటే సెలూన్ షాపు వాడికి ఓ 100 రూపాయలు ఖర్చు అయిపోతున్నాయని బాధపడతున్నారా ? ఇక పై మీకు ఆ చింత అక్కర్లేదు. గడ్డం ఇక ఎవరికీ అడ్డం కాబోదు. అవును ఇది నిజమే...

అమెరికా శాస్త్రవేత్తలు  గడ్డం పెరగకుండా నిరోధించే జెల్ ను కనుక్కొన్నారట. ఈ జెల్ ప్రాథమిక ప్రయోగ పరీక్షలో జట్టు పెరుగుదలను అడ్డుకొందని పెన్సిల్వేనియా విశ్వవిద్యాలయానికి చెందిన పరిశోధకులు వెల్లడించారు. దీన్ని మహిళల కాళ్ళ పై అవాంచిన రోమాలను తొలగించేందుకు కూడా ఉపయోగించుకోవచ్చని తెలిపింది. రోజూ ఉపయోగించాల్సిన ఈ జెల్ ని ఎయిడ్స్ చికిత్సకు వాడే సైడోఫోవీర్ అనే ఔషదం నుండి తయారు చేశారు. విభిన్న గాఢలలతో (ఒకటి లేదా మూడు శాతం) గాఢలతో ఈ మందును ఉపయోగించి జెల్ ని తయారు చేస్తే జుట్టు పెరగడాన్ని పూర్తిగా ఆపేస్తున్నట్లు తాజా పరిశోధనలో తేలిందని వారు చెప్పారు. ఇక పై గడ్డం చింత త్వరలో తీరనున్నదన్న మాట.