https://www.teluguwishesh.com/
ఆకాశంలో సగం మీరు అని కీర్తిస్తూనే రాజకీయాలలో మాత్రం కనీసం 33 శాతం కూడా కాదంటున్నాయి భారత దేశంలోని రాజకీయ పార్టీలు. మహిళాదినోత్సవం సందర్భంగా ప్రజాస్వామ్య దేశాలలో జాతీయ స్థాయి మహిళ రాజకీయ భాగస్వామ్యంపై వెల్లడైన గణాంకాల ప్రకారం ప్రపంచ దేశాలలో మనది 105వ స్థానం. చట్టసభలలో 33 శాతం రిజర్వేషన్‌ కల్పిస్తామన్న హామీని అటకెక్కించేసిన ఘనత మనది. ప్రపంచంలోనే అతిపెద్ద ప్రజాస్వామ్యంగా చెప్పుకునే భారత్‌ ఈ విషయంలో పొరుగుదేశాలైన పాకిస్థాన్‌, బాంగ్లాదేశ్‌, నేపాల్‌లకన్నా వెనుకబడి ఉన్నది.
లోక్‌సభలో కేవలం 11శాతం, రాజ్యసభలో 10.7శాతంతో భారత్‌ 105వ స్థానంలో ఉన్నట్టు ప్రజాస్వామ్యాన్ని ప్రోత్సహించే ఇంటర్‌ పార్లమెంటరీ యూనియన్‌ అనే అంతర్జాతీయ సంస్థ విడుదల చేసిన తాజా గణాంకాలు వెల్లడిస్తున్నాయి. అతిపెద్ద ప్రజాస్వామ్య దేశమైన భారత్‌లోని 543 సభ్యుల లోక్‌సభలో కేవలం 60 మంది మాత్రమే మహిళలు కాగా, 240 మంది సభ్యులు ఉండే రాజ్యసభలో కేవలం 24 మంది మాత్రమే స్ర్తీలు. ప్రస్తుతం లోక్‌సభలో ఐదు, రాజ్యసభలో రెండు స్థానాలు ఖాళీగా ఉన్నాయి. దక్షిణాఫ్రికా దేశమైన కోటె డి వోయిర్‌తో కలిసి భారత్‌ 105వ స్థానాన్ని పంచుకుంటోంది.
నేపాల్‌ కన్నా 85 స్థానాల దిగువన, పాకిస్థాన్‌ కన్నా 53 స్థానాలు వెనుకబడి మన ర్యాంకింగ్‌ ఉన్నది. చైనా 60వ స్థానంలోనూ, బాంగ్లాదేశ్‌ 65వ స్థానంలోనూ ఉన్నాయి. కేవలం శ్రీలంక, మయన్మార్‌లు మాత్రమే మనను అధిగమించి 129, 134 స్థానాలను ఆక్రమించాయి. పేద ఆఫ్రికన్‌ దేశాలైన రువాండా, ఉగాండా, సూడాన్‌, టునీషియా, టాంజేనియాలలో రాజకీయాలో మహిళా భాగస్వామ్యం చురుకుగా కనిపిస్తుంది. దిగువ సభలో 56శాతం మహిళా ప్రతినిధులతోనూ, ఎగువ సభలో 38శా తంతోనూ రువాండా ప్రపంచంలోనే అగ్ర స్థానంలో ఉన్నది. దాదాపు 36 శాతం మహిళా ప్రతినిధులతో టాంజానియా స్పెయిన్‌తో కలిసి 18వ స్థానాన్ని పంచుకుంటోంది. 35శాతం మందితో ఉగాండా 19వ ర్యాంక్‌లోనూ, 26శాతం మహిళా ప్రతినిధులతో టునీసియా 34, సూడాన్‌ 35వ స్థానాల్లో ఉన్నాయి.
వాయువ్య యూరోప్‌ దేశమైన అండోరా 50శాతానికి పైగా మహిళల ప్రాతినిధ్యంతో రెండవ స్థానంలో ఉండగా, ఆ తర్వాతి స్థానంలో క్యూబా, తర్వాత స్వీడన్‌ ఉన్నాయి. ధనిక, బలమైన దేశాలు అయిన యుఎస్‌, బ్రిటన్‌, ఇటలీ, ఫ్రాన్స్‌, జర్మనీలు వరుసగా 78, 53, 57, 69,21వ స్థానాలను ఆక్రమించాయి. ఇదిలా ఉండగా సౌదీ అరేబియా, కతార్‌, బెలిజె, పాలౌ, మిక్రొనేసియా, నౌరు,సాలమన్‌ ద్వీపాలలో జాతీయ రాజకీయాల్లో అసలు మహిళల భాగస్వామ్యమే కనిపించదు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm