Posted: 03/05/2012 08:46 PM IST

ఆండ్రాయిడ్ ఫోన్లలో సూపర్ పాపులర్ అయిన అప్లికేషన్ 'టామ్ క్యాట్'ని చూశారా? అందులో ఉండే పిల్లి మనం ఏం మాట్లాడితే అవే మాటల్ని యథాతథంగా వల్లిస్తుంది! అమెరికాలోని ఒక్లహామాకు చెందిన పద్నాలుగేళ్ల ఎలీసా క్రేమర్‌కు అచ్చం అలాంటి ప్రతిభే ఉంది. "సింహం.. సింగిల్‌గా వస్తుంది'' అంటూ రజనీకాంత్ చెప్పిన రేంజిలో ఎదుట పదిమంది ఉండి, వాళ్లంతా తమ నోటికొచ్చిన మాటలు మాట్లాడితే ఓపిగ్గా విని కొన్ని సెకన్ల తేడాతో వాటన్నింటినీ మళ్లీ అలవోకగా చెప్పేస్తుంది. ఎలీసా ఈ ఫీట్‌ను ప్రదర్శిస్తుండగా వీడియోలో చిత్రీకరించిన ఆమె స్నేహితులు దాన్ని యూ ట్యూబ్‌లో పెట్టారు. ఆ వీడియో సూపర్ హిట్టయింది.

ఈ టాలెంట్‌తో బహుళప్రాచుర్యం పొందిన ఆమె.. 'అలీసా టాకింగ్‌బ్యాక్' అనే సొంత వెబ్‌సైట్‌ను కూడా ప్రారంభించింది. ఇంతకీ ఈ శక్తి ఎలా వచ్చిందని ఎవరైనా అడిగితే.. చిన్నప్పటి నుంచీ ఇంతేనట. ఎదుటివారు మాట్లాడే మాటలు తనకు మెదడులో దృశ్యరూపంలో కనిపిస్తాయ ని, మళ్లీ ఆ పదాల్ని చెప్పాల్సి వచ్చినప్పుడు అదే వరుస లో తన బుర్రలో ప్రత్యక్షమవుతాయని వివరిస్తోంది.