Posted: 03/05/2012 02:54 PM IST

ఉత్తరభారతాన్ని భూకంపం వణికించింది. ఢిల్లీ, ఘజియాబాద్‌, నోయిడా, గుర్గావ్‌లలో భూమి స్వల్పంగా కంపించింది. ఈరోజు మధ్యాహ్నం ఒంటిగంట పది నిముషాలకు భూకంపం సంభవించింది. భూప్రకంపనలతో భయపడ్డ జనం ఇళ్లలో నుంచి పరుగులు తీశారు. పార్లమెంట్‌ భవనం కూడా కంపించింది.
భయంతో ఉద్యోగులు బయటకు పరుగులు తీశారు. రిక్టర్‌ స్కేల్‌పై తీవ్రత 4.9 గా నమోదైంది. హర్యానా, పంజాబ్‌ల్లోను కూడా భూకంపం సంభవించింది. మరో మూడు నెలల్లో హిమాచల్‌ప్రదేశ్‌ కేంద్రంగా భూకంపం సంభవించే ప్రమాదం ఉందని, అప్రమత్తంగా ఉండాలని భూగర్భ శాస్త్రవేత్తలు హెచ్చరిస్తున్నారు.