Posted: 02/24/2012 11:14 AM IST

మాజీ ఎంపీ, వైయస్సార్ కాంగ్రెస్ పార్టీ నాయకుడు భూమా నాగిరెడ్డి ఇంట్లో భారీ చోరీ జరిగింది. హైదరాబాద్ లోని జూబ్లీహిల్స్ లో గల తన ఇంట్లో ఈ చోరీ జరిగింది. ఈ చోరీలో 60 వేల నగదు, 4 తులాల బంగారం, వెండి వస్తువులు మాయం అయినట్లు చెబుతున్నారు. అయితే ఆయన బెడ్ రూంలోని ఆలమారా నుండి ఈ వస్తువులు పోవడంతో ఇంట్లోని పనిపనుషులే ఈ పని చేసి ఉంటారని భావిస్తున్నారు. ఈ వస్తువులు భూమా నాగిరెడ్డి కుమార్తెకు చెందినవి ఆయన కుటుంబ సభ్యులు చెబుతున్నారు. ఈ విషయం పై పోలీసులకు ఫిర్యాదు చేయగా రంగంలోకి దిగిన పోలీసులు అనుమానం ఉన్న పనిమనుషులను అదుపులోకి తీసుకొని విచారిస్తున్నారు.