Posted: 02/08/2012 08:28 PM IST

బీజేపీ అధ్యక్షుడు నితిన్ గడ్కరీ బరువుకు వేదిక కూలిపోయింది. అదేంటి అతను అంత బరువు ఉన్నాడా ? అంటే అతను బరువు బాగానే ఉన్నాడు కానీ, గడ్కారీకి స్వాగతం పలికేందుకు వేదికపైకి ఎక్కువ మంది నేతులు రావడంతో అధిక బరువు కారణంగా అది కుప్పకూలినట్లు అక్కడి వారు చెప్పారు. ఈ సంఘటన ఘాజీపూర్ జిల్లాలోని మొహమాదాబాద్ నియోజకవర్గంలో జరిగిన ఎన్నికల ర్యాలీలో ఆయన కూర్చున్న సభా వేదిక లో చోటు చేసుకుంది. అయితే ఈ ప్రమాదంలో గడ్కారీతోపాటు వేదికపై ఉన్న ఇతర నేతలకు ఎటువంటి గాయాలు కాలేదని పోలీసులు తెలిపారు. అయితే అక్కడ సభ ఏర్పాటు చేసిన వారు మాత్రం నితిన్ గడ్కరీ బరువుకే కప్పుకూలిందని జోకులు వేసుకున్నారు.