Posted: 02/02/2012 10:28 AM IST

వినోదం కోసం ఆడే క్రీడ విషాదం తెచ్చిపెట్టింది. యూరప్, అమెరికాల్లో ఎక్కువగా అభిమానించే ఫుట్ బాల్ క్రీడ ఆ అభిమానం కాస్తా ప్రాణాల మీదకు వచ్చేతగా పట్టింపుల్లోకి దారితీస్తుందని ఎవరూ ఊహించరు. కానీ ఉత్తర ఈజిప్ట్ లో జరిగిందదే. 74 మంది చనిపోయారు, 1000 మంది గాయపడ్డారూ అంటే జరిగిన దొ్మ్మీ తీవ్రతను అర్థం చేసుకోవచ్చు.

పోర్ట్ సయ్యద్ లో 3-0 తో గెలిచిన స్థానిక జట్టు అల్ మస్రి అభిమానులు వెంటనే క్షణాల్లోనే మైదానంలోకి దూకి, కయిరోకి చెందిన అల్ అహ్లి జట్టు మీద దాడి చేసారు. ఆ సమయంలో అక్కడే ఉన్నా, పోలీసులు చోద్యం చూస్తుండిపోయారు కానీ ఆపే ప్రయత్నం చెయ్యలేదని బాధితులు ఆరోపిస్తున్నారు. 3000 మంది పోలీసులు అక్కడే ఉన్నారు కానీ ఎవరినీ అరెస్ట్ చెయ్యకపోవటం దురదృష్టకరమని అంటున్నారు.

నిజానికి అల్ మస్రి విజయం సాధించటం చాలా గొప్పే. ఎందుకంటే అల్ అహ్లి దేశంలోనే అగ్రస్థానం లో ఉన్నఫుట్ బాల్ జట్టు. అలా ఓడిపోయినవారిమీద కసి ఎందుకన్నది ఎవరికీ అర్థం కాలేదు. బహుశా వాళ్ళు గెలుస్తారేమోనని ముందే తయారుగా ఉన్నట్టున్నారు. క్రీడా సంఘ అధ్యక్షుడు సెప్ బ్లాటర్ దీన్ని ఫుట్ బాల్ చరిత్రలో ఒక చీకటి దినంగా ప్రకటించారు. అల్ అహ్లి జట్టులో డాక్టర్, ఇది ఫుట్ బాల్ కాదు ఇదో సంగ్రామమే అన్ని అన్నారు. ఫుట్ బాల్ కాదు ఫుట్ వార్ అయింది.

ఇందులో రాజకీయ కోణం కూడా తొంగి చూసింది. తాజాగా ఎన్నికల్లో అధిక స్థానాలు సంపాదించిన ముస్లిం బ్రదర్ హుడ్, ఈ హింసాత్మక సంఘటనకు ముబారక్ మద్దతుదార్లదే బాధ్యతంటున్నారు.

-శ్రీజ