Posted: 02/01/2012 10:05 AM IST

తెలంగాణ ఏర్పాటుపై ఇంతవరకూ తమ అభిప్రాయాన్ని చెప్పని నాలుగు పార్టీలు అభిప్రాయాలు వెల్లడిస్తే తప్పించి అప్పటి వరకూ కేంద్రం ఏమీ చేయలేదని కేంద్ర హోంమంత్రి పి చిదంబరం పునరుద్ఘాటించారు. తెలంగాణ గురించి మీరు ఎప్పుడూ అడిగే ఈ ప్రశ్నకు మా జవాబు కూడా మారదని ఆయన మీడియా వద్ద వ్యాఖ్యానించారు. ఇంతవరకు నాలుగు పార్టీలు తమ అభిప్రాయాలు వెల్లడించక పోవడం వల్ల అఖిలపక్ష సమావేశం ఏర్పాటుపై ఏమీ చెప్పలేని పరిస్థితి ఉందని ఆయన వెల్లడించారు. ఫలానా తేదీలోపు తమ అభిప్రాయాన్ని తెలియ చేయవలసిందిగా పార్టీలకు డెడ్‌లైన్ ఏమైనా విధిస్తారా? అన్న ప్రశ్నకు, ఈ ప్రశ్నను వారినే అడగండని చిదంబరం జవాబు చెప్పారు.