Posted: 01/22/2012 02:44 PM IST

          ప్రధాని డా.మన్మోహన్ సింగ్ ఫిబ్రవరి 4 వ తేదీన రాష్ట్రంలో పర్యటించనున్నారు. ఇందులో భాగంగా ఆయన భాగ్యనగరంలో మెట్రోరైల్ ప్రాజక్టుకు శంకుస్థాపన చేస్తారు. అనంతరం ఆయన రాజీవ్ యువకిరణాల్లో భాగంగా ఉద్యోగార్థులైన వారికి పట్టాలు పంపిణీ చేస్తారు.

ప్రధాని పర్యటనకు సంబంధించిన వివరాలను పీసీసీ అధ్యక్షుడు బొత్స సత్యనారాయణ వెల్లడించారు. గాంధీ భవన్లో సమన్వయ కమిటీ సమావేశం ముగిసిన అనంతరం ఆయన మీడియాతో మాట్లాడారు.

స్థానిక, సహకార ఎన్నికలు వీలైనంత త్వరలో నిర్వహిస్తామని బొత్స తెలిపారు. కేంద్ర, రాష్ట్ర ప్రభుత్వ సంక్షేమ పథకాలపై ప్రజల్లో విస్త్రుత ప్రచారం చేయాలని కమిటీలో నిర్ణయించామని పేర్కొన్నారు. విద్యార్థుల స్కాలర్ షిప్స్ అమలు తీరును క్షేత్ర స్థాయిలో పరిశీలించాలని నిర్ణయించామని చెప్పారు.

                                                                …avnk