Posted: 01/17/2012 04:39 PM IST

పురుషుని మర్మాంగాన్ని కత్తిరించడం హత్యాయత్నం కిందకు రాదని కర్ణాటక హైకోర్టు సంచలన తీర్పును వెలువరించింది. దీనిపై చార్జిషీట్‌ను పునఃపరిశీలించాలంటూ కేసును దిగువ కోర్టుకు బదలాయించింది. రాష్ట్రవ్యాప్తంగా చర్చను రేకెత్తించిన ఈ కేసు పూర్వాపరాలిలా ఉన్నాయి. 2008 నవంబరు 28న హర్షద్ అలీ అనే వైద్యుని మర్మాంగాన్ని అతని ప్రేయసి అయిన దంత వైద్యురాలు సయ్యద్ అమీన్ కత్తిరించింది. తనను ప్రేమిస్తున్న అతను వేరే యువతితో పెళ్లికి సిద్ధపడడంతో ఈ ఘాతుకానికి పాల్పడింది. అలీ, అమీన్‌లు అనేక సంవత్సరాలుగా సహాధ్యాయిలు. పరస్పరం ప్రేమించుకున్నారు. పెళ్లి కూడా చేసుకోవాలనుకున్నారు. అయితే అలీ హఠాత్తుగా వేరే అమ్మాయిని పెళ్లి చేసుకోవాలని నిర్ణయించాడు. ఈ విషయం తెలుసుకున్న అమీన్ అతన్ని తన గదికి రప్పించుకొని శీతల పానీయంలో మత్తు మందు కలిపి ఇచ్చింది. దానిని సేవించిన అలీ స్పృహ తప్పి పడిపోయాక అతని మర్మాంగాన్ని చాకుతో కోసేసి, చికిత్స కోసం ఆస్పత్రిలో చేర్చింది. తన ప్రేయసి ఈ ఘాతుకానికి పాల్పడిందంటూ పోలీసులకు ఫిర్యాదు చేశాడు. దీనిపై పోలీసులు సెక్షన్ 307 (హత్యా యత్నం), సెక్షన్ 326 (తీవ్ర గాయం) కింద కేసు నమోదు చేసి కోర్టులో చార్జిషీట్‌ను దాఖలు చేశారు. కేసు విచారణ చేపట్టిన కోర్టు ఆ సెక్షన్లను అనుసరించి ఆమెకు జైలు శిక్ష విధించింది. దీనిని ఆమె హైకోర్టులో సవాల్