Posted: 12/21/2011 09:17 AM IST

మెగాస్టార్ చిరంజీవి తన మనసులోని మాట బయటపెట్టారు. ఆంధ్రప్రదేశ్ లోని మూడు ప్రాంతాలలోని తమ సభ్యులకోసం మూడు మంత్రి పదవులు తమకు కేటాయిస్తారని ఆశిస్తున్నామని చిరంజీవి చెప్పారు. ఇన్ని పదవులు కావాలని మేం కోరలేదు. మాకు మూడు ప్రాంతాల్లోనూ ఎమ్మెల్యేలున్నారు. కాబట్టి కనీసం మూడు మంత్రి పదవులు ఇస్తే బాగుంటుంది. చివరి నిర్ణయం పార్టీదే. బేషరతుగానే ప్రజారాజ్యాన్ని కాంగ్రెస్‌లో విలీనం చేశాం'' దీనిని బట్టి కోస్తా నుంచి ఒకరికి బహుశా గంటా శ్రీనివాసరావుకు, రాయలసీమ నుంచి సి.రామచంద్రయ్యకు, తెలంగాణ నుంచి అనిల్ కు మంత్రి పదవులను చిరంజీవి కోరుతున్నారని భావించవచ్చు.ఇక తనకు పదవులపై మక్కువ లేదని చెప్పిన చిరంజీవి ఏ బాధ్యత అప్పగించినా చేస్తానని ఆయన చెప్పారు. చిరంజీవికి రాజ్యసభ సీటు ఇచ్చి, కేంద్ర మంత్రి పదవి కేటాయించవచ్చని ఇప్పటికే కధనాలు వచ్చాయి. మరి చిరుకి ఏ మంత్రి పదవి ఇస్తారో చూడాలి.