హిందువులకు పవిత్ర గ్రంధమైన భగవద్గీతను తిరగరాసిన ఇస్కాన్ ఆధ్యాత్మిక సంస్థాపకుడు స్వామి ప్రభుపాద పుస్తక రష్యన్ భాషానువాదాన్ని బహిష్కరించటానికి రష్యన్ కోర్టు సిద్ధమవుతున్న తరుణంలో అక్కడ నివసించే హిందువులు, ఇస్కాన్ సభ్యులు ఆందోళన చెందటం సహజమే, వారికి మద్దతుగా భారత ప్రభుత్వం చొరవ తీసుకుని ఈ దురాగతాన్ని నిలిపి వేయటానికి దౌత్య సంబంధాలనుపయోగించమని కోరటమూ సహజమే కానీ, దీని మీద మన దేశంలో దుమారం రేగటమెందుకన్నది అంత త్వరగా అంతుబట్టే విషయమైతే కాదు. భగవద్గీత మీద వ్యాఖ్యానాన్ని అందులోనూ రష్యన్ భాషలో అనువదించినదాన్ని రష్యన్ భూభాగంలో నిషేధించటాన్ని తప్పు పట్టటానికేముంది. వారేమైనా వేదవ్యాసుడు రచించిన భగవద్గీతను కాదంటున్నారా. ఒకవేళ అన్నా మనకెలా వర్తిస్తుందది.
యూరప్ లో హిందూ దేవీదేవతలను పరిహసిస్తూ లో దుస్తుల మీద, చెప్పుల మీద బాత్ రూం లలో ఉపయోగించటాన్ని సహించలేమంటే కాస్త అర్థముంది. కానీ రష్యాలో వారి రాజకీయ నమ్మకాలకు వ్యతిరేకంగా కనిపించిన అంశంతో వారు ప్రభుపాద రష్యన్ కృతి భగవద్గీత యాజ్ ఇటీజ్ ని నిషేధిస్తే మన దేశంలో పార్లమెంటు ఎందుకు స్తంభించాలన్నది చాలా మందికి అర్థం కాని విషయం. దౌత్య సంబంధాలనుపయోగించి, అక్కడి మన దేశ ప్రజలకు ఏమైనా ఇబ్బంది కలిగితే ప్రభుత్వం తగు రీతిలో కలుగజేసుకుంటుంది. కానీ శీతాకాలం సమావేశాలు అంతం కావస్తున్నా మొదటి నుంచీ గందరగోళంలో సాగిన (సాగని) సభలు ఈ రోజు కూడా అలాగే ప్రవర్తించటం శోచనీయం. చర్చనీయాంశాలను పార్లమెంటులో ప్రవేశపెట్టటానికి, వాటిని చర్చించటానికి, అత్యవసర పరిస్థితుల్లో తాజా విషయాలను కూడా ప్రవేశపెట్టటానికి ఒక నిర్దుష్టమైన పద్ధతి అనుసరణీయమైన విధానం ఉన్నప్పుడు ప్రతిరోజూ ఒక సమస్యను లేవనెత్తి పార్లమెంటుని సజావుగా సాగనివ్వకపోవటం వలన చర్చలు ఎలా సాగుతాయి, చట్టాలు ఎలా రూపొందుతాయి.
ప్రజాప్రతినిధులుగా, ప్రతిపక్షంగా వారికున్న చొరవ, హక్కులను ఉపయోగించుకోవటంలో తప్పు లేదు కానీ పార్లమెంటే సాగకపోతే ప్రజాప్రతినిధులు ఎక్కడ చర్చిస్తారు, ఎవరు నిర్ణయాలు తీసుకుంటారు, ఎలా అమలుజరుగుతాయి. ఈ ప్రశ్నలకు ఎవరు జవాబు చెప్తారు. పాలక పక్షం, ప్రతి పక్షం ఒకరి మీదొకరు వేసుకోవటం తప్ప ఏమీ జరగదు. చివరకు సమావేశాల సమయం అయిపోతుంది, ఏ చర్చా జరగదు, ఏ బిల్లూ పాసవదు కానీ వాదోపోవాదాలు మిగిలిపోతాయి, మీడియాల్లో ప్రకటనలు తప్ప మరేమీ ఉండదు.
-శ్రీజ
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more