Posted: 11/30/2011 08:10 PM IST

శాసనసభలో అవిశ్వాస తీర్మానాన్ని ఎదుర్కోవడానికి తగిన బలం ఉందని ముఖ్యమంత్రి కిరణ్ కుమార్ రెడ్డి మంత్రి మండలి సమావేశంలో చెప్పారు. ఈ సాయంత్రం జరిగిన మంత్రి మండలి సమావేశంలో ముఖ్యమంత్రి, మంత్రులపై మంత్రి శంకరరావు చేసిన వ్యాఖ్యలను కొంతమంది ప్రస్తావించారు. ఆయన వ్యవహారం పార్టీ అధిష్టానం చూసుకుంటుందని సిఎం చెప్పారు. 108 పనితీరు ఇలాగే ఉంటే ప్రభుత్వానికి అప్రతిష్ట అని బొత్స సత్యనారాయణ అన్నారు. జివికె పనితీరుపై పలువురు అభ్యంతరం వ్యక్తం చేశారు. ఈ వ్యవహారాన్ని సమీక్షించాలని కొందరు మంత్రులు కోరారు. కాంట్రాక్ట్ లెక్చరర్ల నియామకానికి మంత్రి మండలి ఉపసంఘం వేయాలని నిర్ణయించారు.