ఈ అందాల తార , ఆదర్శ మహిళ!

Posted: 05/21/2013 06:23 PM IST

నటి గా బిజీ గా గడిపినప్పుడు యెంత ఆనందాన్ని పొందానో , పెళ్లి చేసుకుని , తల్లినయ్యి వైవాహిహ జీవితాన్ని ఆనందమయంగా గడుపుతున్నప్పుడు , ఈ విరామం తరువాత తిరిగి సినిమాల్లో తల్లి పాత్రలు పోషిస్తున్నప్పుడు కూడా అంతే ఆనందం పొందుతున్నాను . జీవితం లో అన్ని విజయాలు , అనుబంధాల మాధుర్యాలు చవి చూసినప్పుడు , చూస్తున్న ఇప్పుడు , నాకు ఎంతో సంతోషంగా ఉంది ' అంటారు భానుప్రియ .

తెలుగు సినీ పరిశ్రమలో కమర్షియల్ సినిమా కొత్త పుంతలు తొక్కడం మొదలుపెట్టిన 80 లలో , భాను ప్రియ వంటి హీరోయిన్లు తమదైన శైలి లో విజయాలు నమోదు చేసుకుని , స్టార్ హీరోల , పేరున్న దర్శకుల చిత్రాల్లో , ఎంతో ప్రాముఖ్యత కలిగిన హీరోయిన్ పాత్రలు పోషించి , హీరోయిన్ స్థానాన్ని , బ్ల్యాక్ అండ్ వైట్ సినిమాల యుగం తరువాత నిలబెట్టారు అనడం లో ఏ మాత్రం అతిశయోక్తి లేదు .

ముఖ్యంగా భాను ప్రియ ... అటు ,అందం ఇటు అభినయం , కమర్షియల్ సినిమాలతో పాటు , 'సితార' , 'స్వర్ణకమలం' వంటి కధాబలం ఉన్న , కమర్షియల్ గా విజయం సాధించిన సినిమాలు , ఒక సినిమాలో డబ్బున్న పెద్దింటి పొగరుబోతు అమ్మాయి పాత్రలో ఆకట్టుకుంటే , ఇంకో చిత్రం లో చలాకీ దొంగ గా హాస్యాన్ని పండించి , మరో చిత్రం లో పేదింటి కష్టాలు తెలిసిన పిల్ల గా నటించి , వెండితెర మీద సినీ తార గా ఇంకో సినిమాలో వెలిగిపోయి , ఇలా నేటికీ ప్రేక్షకులు , తన నటనని , అందాన్ని , నాట్య అభినయాన్ని గుర్తు చేసుకునే విధంగా తెలుగు తెరపై స్థానం సంపాదించుకున్నారు , భాను ప్రియ .

అద్రుస్తవశాత్తు , ఇతర ఎంతోమంది కధానాయికల్లా కాకుండా , భాను ప్రియ తెర వెనుక జీవితం , వైవాహిక జీవితం కూడా ఆనందమయమే . ఈమె భర్త , విదేశాల్లో టెక్నాలజీ ఎడిటర్ గా పని చేస్తున్నారు . భర్తా , పిల్లలతో ఆనందంగా జీవితం గడిపే భాను ప్రియ , నటన తనకున్న మక్కువను చంపుకోలేక , క్యారెక్టర్ ఆర్టిస్టు గా 'ఛత్రపతి' నుండి 'దమ్ము' చిత్రాల వరకు నటిస్తూనే ఉన్నారు , ఇక పై నటిస్తారు కూడా .

ఒక కళాకారుడే ఇంకో కళాకారుడిని అర్ధం చేసుకుంటారు అన్నట్టు , ఈమె భర్త అద్భుతమైన సితార్ వాయిద్యకారుడు . అందుకేనేమో భాను ప్రియ గారి నాట్య నైపుణ్యాన్ని , నతనాకౌసల్యాన్ని అర్ధం చేసుకుని ప్రోత్సాహం అందిస్తూ ఉన్నారు .

తన సినిమాలు చూసే తమ పిల్లలు 'అమ్మ ... నువ్వు చాల బాగున్నావ్ ' అని తనను పొగుడుతూ ఉంటే , ఇంతకు మించిన ఆనందం తనకు ఉండదని భాను ప్రియ చెప్పుకొచ్చారు .

రంగుల ప్రపంచ కాంతిలో కనుమరుగవ్వకుండా , ఇల్లాలిగా తన ఇంటిని చక్కబెట్టుకుంటూ , అమ్మగా పిల్లల ఆలనా పాలనా చూసుకుంటూ , భార్య గా భర్తకు తగిన ప్రోత్సాహం అందిస్తూ , నటిగా తన కరియర్ ను కొనసాగిస్తున్న భాను ప్రియ మరెంతోమంది నేటి మహిళలకు ఆదర్శం ..