తాబేలు తెచ్చిన తంటా- పట్టాలు తప్పిన రైలు

Posted: 09/03/2013 07:40 PM IST

తాబేలు మాంసం పంపిణీ విషయంలో ఇరువర్గాల మద్య గొడవ జరగడంతో 13 మంది పై కేసులు నమోదయ్యాయి. ఆడాకుల గ్రామానికి చెందిన చిన్నాన్న, పెదనాన్న ల కుమారులైన ఎల్లంకి అప్పారావు, గంగరాజులు చేపల వేటకు వెళ్లారు. అయితే వారికి చేపలతో పాటు ఒక తాబేలు దొరికింది. చేపలను సమానంగా పంచుకున్నవారికి తాబేలు పెద్ద సమస్యగా మారింది. అయితే తాబేలు అప్పారావు సొంతం చేసుకొని, తాబేలు మాంసం వండించి గంగరాజుకు ఇస్తానని చెప్పటం జరిగింది. అయితే ఇక్కడే ఇరువుర మద్య పెద్ద వివాదం జరిగి.. ఇరువర్గాల మద్య గొడవ ముదిపోయి పోలీసు స్టేషన్ వరకు వెళ్లింది. చివరకు తాబేలు బతికిపోయింది. పోలీసులు మాత్రం 13 మంది మీద కేసులు పెట్టారు.

 

పట్టాలు తప్పిన రైలు

గంగవరం పోర్టు నుంచి వెళ్లే గూడ్స్ రైలు పట్టాలు తప్పింది. ఈ ప్రమాదంలో గార్డులు, లాలన్ చౌదరి, ఇంద్రజిత్ సహ, సుబోత్ సహాలు స్వల్పంగా గాయపడ్డారు. వీరిని చికిత్స నిమిత్తం నగరంలోని కేజీహెచ్ కు తరలించారు. అయితే పట్టాలు తప్పటానికి గల కారణాలు ఇంక తెలియలేదు.