విశాఖలో భారీ పేలుడు - క్షీణించిన రామానాయుడు ఆరోగ్యం

Posted: 08/23/2013 05:25 PM IST

విశాఖలోని హెచ్‌పీసీఎల్‌లోని ఈరోజు సాయంత్రం భారీ పేలుడు సంభవించినట్లు తెలియవచ్చింది.  కూలింగ్ టవర్లో పేలుడు సంభవించడంతో పదిమంది సజీవంగా దహనమయ్యారు. మరో 30 మంది వరకు తీవ్ర గాయాల పాలైనట్లు సమాచారం. తగిన భద్రతా ప్రమాణాలను పాటించకపోవడం వల్లే ఈ ప్రమాదం జరిగిందని కార్మికులు ఆరోపిస్తున్నారు. రిఫైనరీలో మంటలు ఇంకా ఎగసిపడుతూనే ఉన్నాయి. పూర్తిస్థాయిలో ఉన్న మంటలను అదుపులోకి తెచ్చేందుకు ఫైరింజన్లను రంగంలోకి దించారు. అయితే, అవి తగ్గడానికి ఇంకా చాలా సమయం పట్టేలా ఉంది. ప్రమాదంలో 30 మంది గాయపడినందువల్ల, మృతుల సంఖ్య ఇంకా పెరిగే ప్రమాదం ఉందని అంటున్నారు. చుట్టు ప్రక్కల నివాసితులు భయాందోళనలు చెందుతున్నారు. కాగా హెచ్‌పీసీఎల్‌లోని వరుసగా పేలుడులు జరుగుతుండడంతో ప్రజల్లో అభద్రతాభావం ఏర్పడుతోంది. 

 

ఆరోగ్యం

సమైక్యాంధ్ర కోసం దీక్ష చేస్తున్న టీడీపీ ఎమ్మెల్యే రామానాయుడు ఆరోగ్యం మరింత క్షీణించింది. ఆయనకు జాండీస్, బరువు తగ్గడం, చూపు మందగించడంతో టీడీపీ కార్యకర్తలు ఆందోళనకు గురవుతున్నారు. దీక్ష విరమించాలని వైద్యుల సూచించినప్పటికీ రామానాయుడు నిరాకరిస్తూ దీక్షను కొనసాగిస్తున్నారు. ఆయనను టీడీపీ నేతలు అయ్యన్యపాత్రుడు, వెలగపూడి, కళా వెంకట్రావు పరామర్శించారు.