నిన్న ఓయూ - నేడు ఏయూలో ఉద్రిక్తత

Posted: 08/01/2013 01:10 PM IST

నిన్నటి వరకు తెలంగాణ ఉస్మానియ యూనివర్సిటీలో ఉద్రిక్త పరిస్థితులు ఉండేవి, ఇప్పుడు ప్రశాంతంగా ఉంది. కానీ ఇప్పుడు విశాఖ ఆంధ్రాయూనివర్సీటిలో ఉద్రిక్త పరిస్థితులు నెలకొన్నాయి. ఏయూ పరిపాలనా భవనంలోకి దూసుకెళ్లేందుకు ప్రయత్నించిన విధ్యార్థులను పోలీసులు అడ్డుకున్నారు. దీంతో పోలీసులు, విద్యార్థులకు మద్య తోపులాట జరిగింది. విద్యార్థి నేతల ఆమరణ దీక్ష రెండో రోజుకు చేరుకోవడంతో భారీ సంఖ్యలో విద్యార్థులు యూనివర్సిటికి చేరుకున్నారు. పరిస్థితిని అదుపుచేసేందుకు పోలీసులు కూడా భారీగా మోహరించారు.

 

గంటా పై ఒత్తిడి

సమైకాంద్రకు మద్దతుగా రాజీనామా చేయాలని కోరుతూ మంత్రి గంటా శ్రీనివాసరావు ఇంటిని సమైక్యాంద్ర విద్యార్థి, ఉద్యోగ సంఘాలు ముట్టడించాయి. ఇంటి ముందు భైఠాయించి మంత్రికి వ్యతిరేకంగా నినాదాలు చేశారు. సీమాంధ్ర నేతలంతా తక్షణమే రాజీనామాలు చేయాలని డిమాండ్ చేశారు. ఉద్యోగసంఘాల ప్రతినిధులు పెద్ద ఎత్తున్న పాల్గొన్నారు. అందోళనకారులను పోలీసులు అరెస్టు చేసి మూడో పట్టణ పోలీస్ స్టేషన్ కి తరలించారు.