పర్యటక శాఖకు 24లక్షలు నష్టం?

Posted: 04/17/2013 05:05 PM IST

తమ సమస్యలను పరిష్కరించాలని కోరుతూ  పర్యటక  శాఖలోని  మేన్ పవర్  కార్మికులు  చేపట్టిన నిరవధిక సమ్మె మూడురోజు చేరుకుంది.  వీరు చేస్తున్న నిరవధిక సమ్మెకు  మద్దతుగా  విధులకు హాజరు కాని ఒప్పంద  కార్మికులను విధుల నుంచి తొలగించేందుకు  రంగం సిద్దమైనట్లు సమాచారం. అయితే ఈ సమ్మెవలన  పర్యటక శాఖకు  అనంతగిరి రెండు యూనిట్ల ద్వారా రూ. 18 లక్షల వరకు నష్టం వాటిల్లింది. తైడా యూనిట్  ద్వారా  రూ,7.20 లక్షలు , బొర్రాగుహలు నుంచి మూడు రోజులకు  మూడు లక్షల వరకు నష్టం వాటిల్లిందని  సంబంధింత శాఖ సిబ్బంది  తెలిపారు.  అరకులోయ,  అనంతగిరి యూనిట్లలో  సుమారు 109 మంది మేన్ పవర్  పరిదిలో పని చేస్తున్నారని  వారి సమస్యలు  పరిష్కరించే  వరకూ  బొర్రాగుహలు  తెరిచేది లేదని కార్మికుల సంఘం  అధ్యక్షుడు  లక్ష్మణరావు   తెలిపారు.  గైడ్స్ యూనియన్ అధ్యక్షుడు  పూజారి  గాసి మాట్లాడుతూ  బొర్రాగుహలు  ఎవరి సొత్తూ కాదని, గిరిజన ప్రాంతాల్లో  పర్యటక కేంద్రాల ద్వారా ఏటా కొన్ని కోట్ల  రూపాయలు పర్యటక శాఖకు ఆదాయం  వస్తున్నా అందులో పనిచేస్తున్నవారికి  సమాన పనికి సమాన వేతనం  ఇవ్వకుండా వేధించడం అన్యాయమన్నారు.