విజయవాడ దిగ్బంధనం - ఎగురుతున్న కోర్టు ఉద్యోగి

Posted: 08/20/2013 12:08 PM IST

రాష్ట్ర విభజనకు వ్యతిరేకంగా ఏపీఎన్జీవోలు ఈ రోజు ఉదయం నగరంలోని మూడు జాతీయ రహదారులను దిగ్బంధించారు. విజయవాడ-హైదరాబాద్, కోల్‌కత్తా-చెన్నై, విజయవాడ-మచలీపట్నం రహదారులను ఎన్జీవోలు దిగ్బంధించారు. కనకదుర్గమ్మ వారధి, బెంజ్‌సర్కిల్, గొల్లపూడి బైపాస్, రామవరప్పాడు రింగ్ వద్ద హైవేలను ఎన్జీవోలు మూసివేశారు. మధ్యాహ్నం 12 గంటల వరకు రహదారులను దిగ్బంధనం జరుగనుంది. దీంతో హైవేలపై భారీగా ట్రాఫిక్ నిలిచిపోవడంతో వాహనదారులు తీవ్ర ఇబ్బందులకు గురవుతున్నారు.

వాదుల అండ

జిల్లా వ్యాప్తంగా న్యాయవాదుల సమైక్య ఉద్యమంలో చురుగ్గా పాలుపంచుకున్నారు. గత కొన్ని రోజులుగా విధులు బహిష్కరిస్తూ నిరసన తెలిపిన వారు ఈ రోజు మాత్రం పెద్ద ఎత్తున ఆందోళనలు చేపట్టారు. ది బెజవాడ బార్ అసోషియేషన్ ఆద్వర్యంలో న్యాయవాదులు, న్యాయశాఖ ఉద్యోగులు భారీ ప్రదర్శన చేసి, ప్రధాన కూడళ్లలో మానవహారంనిర్వహించారు. విజయవాడ రైల్వే కోర్టు న్యాయవాదులు కూడా విధులు బహిష్కరించారు. మచిలీపట్నం జిల్లా కోర్టుల ప్రాంగణంలో విధులు బహిష్కరించిన న్యాయవాదులుకోర్టు ఎదుట ధర్నా చేపట్టారు. జై సమైక్యాంద్ర అంటూ ఎగురతున్న మచిలీపట్నంలో జిల్లా కోర్టు ఉద్యోగి. విజయవాడ సమరనాదం మార్మోగుతోంది. సమైక్యవాదం మిన్నంటుతోంది. ఉద్యమ జ్వాలాలు ఉవ్వెత్తున ఎగిసిపడుతున్నాయి.ఎక్కడికక్కడే జనమంతా ఒక్కటై విభజనకు వ్యతిరేకంగా పోరు బాట పడుతున్నారు. రోజుకో తరహాలో ఆందోళనలు కొనసాగిస్తూ, నిరసనలతో హోరెత్తిస్తూ సమైక్య రాష్ట్ర ఆకాంక్షను వినిపిస్తున్నారు. ఉద్యోగ సంఘాలు చేపడుతున్న నిరవదిక సమ్మెకు మద్దతుగా వూరువాడా అంతా ఉద్యమంలో చేరి కదం తొక్కుతున్నారు. వరుసుగా 19వ రోజు కూడా జిల్లాలో పెద్ద ఎత్తున ఆందోళనలు కొనసాగాయి.