ప్రతి జిల్లాకో మెడికల్ కాలేజీ-వేతనాలివ్వండి మహాప్రభో.

Posted: 12/17/2013 08:38 PM IST

Vijayawada municipality fails to pay employees their salaries

మున్సిపల్ కార్మికులు.. జిల్లాలోని పలు ప్రాంతాల్లో వీధులను శుభ్ర పరుస్తూ కష్టం చేస్తుంటారు.. వీరి కష్టానికి తగిన వేతనం మాత్రం అధికారులు ఇవ్వడం లేదు..తమకు వేతనాలివ్వలని కోరుతున్నా అధికారులు స్పందించడం లేదని కార్మికులు పేర్కొంటున్నారు.వేతనాలివ్వాలని కోరుతూ ఈరోజు మున్సిపల్ కార్మికులు రోడెక్కారు.

రెండున్నర సంవత్సరాల నుండి మూడు నెలలకొకసారి జీతాలిస్తున్నారని ఆవేదన వ్యక్తం చేశారు. తమ దగ్గర డబ్బులు లేకపోయేసరికి పస్తులు పడుకోవాల్సిన ఆగత్యం ఏర్పడుతోందని వాపోతున్నారు. పండుగలు దగ్గర పడుతున్నాయని, చేతిలో మాత్రం చిల్లిగవ్వ లేదని వాపోతున్నారు. బకాయి పడిన వేతనాలను వెంటనే ఇవ్వాలని కార్మికులు కోరుతున్నారు. లేనిపక్షంలో ఆందోళన చేస్తామని హెచ్చరించారు. మరి అధికారులు స్పందిస్తారంటారా ?

ప్రతి జిల్లాకో మెడికల్ కాలేజీ

ప్రతి జిల్లాలోనూ ఒక మెడికల్ కాలేజీ ఏర్పాటు చేయాలని ప్రభుత్వం యోచిస్తున్నట్టు రాష్ట్ర వైద్య విద్య శాఖ మంత్రి కొండ్రు మురళి చెప్పారు. ప్రస్తుత ఆర్థిక సంవత్సరానికి గాను ప్రభుత్వం వైద్య సేవలకు 6500 కోట్ల రూపాయలు కేటాయించినట్టు మంత్రి తెలిపారు. ఇందులో ప్రభుత్వ ఆస్పత్రులకు మందుల కొనుగోలు కోసం 300 కోట్ల రూపాయిలు ఖర్చు చేసినట్టు వివరించారు. మంత్రి విజయవాడలోని మున్సిపల్ మహిళా ఆస్పత్రిని తనిఖీ చేశారు.

ఆరోగ్యశ్రీ పథకం కింద 70 లక్షల కుటుంబాలు లబ్ది పొందుతున్నట్టు చెప్పారు. రాష్ట్ర ప్రభుత్వ ఉద్యోగలందరూ ఉచిత వైద్యం పొందేందుకు హెల్త్ కార్డులు ఇవ్వాలని ప్రభుత్వం నిర్ణయించినట్టు మురళి తెలిపారు. ఈ పథకాన్ని న్యాయవాదులు, ఇతర వర్గాల వారికి విస్తరించనున్నట్టు చెప్పారు. నగరంలో 290 కోట్ల రూపాయల వ్యయంతో సూపర్ స్పెషాలిటీ ఆస్పత్రిని ఏర్పాటు చేయనున్నట్టు మురళి తెలిపాడు.