ఎన్టీఆర్ కాంప్లేక్స్ బంద్- రోడ్డెక్కిన డాక్టర్లు ..

Posted: 08/05/2013 07:58 PM IST

విజయవాడ గవర్నర్ పేట లోని ఎన్టీఆర్ షాషింగ్ కాంప్లెక్స్ లో వ్యాపారులు సమైక్యాంద్రకు మద్దతుగా పూర్తి బంద్ పాటించారు. కాంప్లెక్స్ లో ఉన్న 120 దుకాణాలను మూసివేసి తెలంగాణ ప్రకటనకు వ్యతిరేకంగా తమ నిరసన వ్యక్తం చచేశారు. అనంతరం వ్యాపారస్థులు విజయవాడ నగరంలో భారీ ద్విచక్రవాహనాలతో ర్యాలీ నిర్వహించారు.

 

బహిష్కరించిన డాక్టర్లు

రాష్ట్ర విభజనను నిరసిస్తూ జిల్లా కేంద్రమైన మచిలీపట్టణంలో వివిధ సంఘాల ఆద్వర్యంలో నిరసన కార్యక్రమాలు జరిగాయి. జిల్లా ఆసుపత్రి వద్ద ప్రభుత్వ వైద్యులు అత్యవసర సేవలు మినహా విధులును బహిష్కరించారు. ఆసుపత్రి ప్రధాన గేటు వద్ద వర్షంలో తడుస్తూ రెండు గంటలపాటు తమ నిరసను వ్యక్తం చేశారు. ఈ సందర్భంగా వారు మాట్లాడుతూ విభజన నిర్ణయం పట్ల కేంద్రం పునరాలోచించుకోకపోతే సమైక్యాంద్ర ఉద్యమంలో తాము భాగస్వాములావుతామని హెచ్చరించారు. అయితే మాదవ్ అనే వ్యక్తి సమైక్యాంధ్రకు మద్దతుగా ఆమరణ నిరాహార దీక్షకు పూనుకున్నాడు.

 

72 గంటల సమ్మె

జిల్లా కేంద్రమైన మచిలీపట్నంలో రాష్ట్రాన్ని సమైక్యంగా ఉంచాలని డిమాండ్ చూస్తూ మున్సిపల్ ఉద్యోగులు సమ్మెకు దిగారు. జేఏసీ కన్వినర్ ఎస్ వెంకటేష్ మాట్లాడుతూ రాష్ట్ర న్యాయకత్వ పిలుపు మేరకు 72 గంటల పాటు విధులు బహిష్కరించనున్నట్లు తెలిపారు. సాయంత్రం వరకు కార్యాలయం వద్ద ధర్నా చేపట్టిన ఉద్యోగులు కేసిఆర్ దిష్టిబొమ్మతో శవయాత్రను నిర్వహించారు. ఈ కార్యక్రమంలో ఏఈ సాయిప్రసాద్ గుండు చేయించుకొని నిరసన తెలియజేశారు.