గుడ్లతో జాగ్రత్త.. ఎక్కువగా తింటే అంతే సంగతులు!

Posted: 11/26/2014 04:29 PM IST

నిజానికి గుడ్లలో మానవ శరీరానికి కావలసిన పోషకపదార్థాలు ఎన్నో వుంటాయి. ప్రతిరోజూ గుడ్లు తీసుకుంటే శక్తి ఎక్కువగా లభిస్తుందని టీవీల్లో కూడా ప్రచారాలు చేస్తున్నారు. అయితే ఇది ఏవిధంగా అయితే శరీరాన్ని ఆరోగ్యంగా వుంచుతుందో.. అదేవిధంగా కొన్ని నష్టాలను కూడా కలిగిస్తుంది. ఆ విషయాలు చాలావరకు బయటికి రాలేదు కానీ.. గుడ్లతో కూడా జాగ్రత్తగా వుండాల్సిందేనని శాస్త్రజ్ఞులు సలహాలు ఇస్తున్నారు. ఎందుకంటే.. ఇందులో పోషకాలు ఏ స్థాయిలో అయితే వుంటాయి.. కొలేస్టిరాల్ కూడా అంతే వుంటుందని అంటున్నారు. అలా అని తినడం పూర్తిగా మానేయాలని కాదు.. వాటిని ఏ మోతాదులో తీసుకోవాలో తెలుసుకుని తీసుకుంటే మంచిది.

గుడ్లలో వున్న పోషక విలువలు :

గుడ్లలో యాంటీఆక్సిడెంట్లు, అయోడిన్, విటమిన్ ఎ, విటమిన్ B2, విటమిన్ డి సమృద్దిగా ఉంటాయి. అంతేకాక దీనిలో జంతు ప్రోటీన్ చౌకగా లభిస్తుంది. ముఖ్యంగా గుడ్లులో విటమిన్ బి కాంప్లెక్స్ సముదాయం మెదడు కోసం ఒక ముఖ్యమైన పోషకం.

కొలెస్టిరాల్ శాతం :

నిజానికి గుడ్డును తేలికపాటి ఆహారంగా భావించేవారు కానీ పచ్చసొనలో కొలెస్టిరాల్ అధికశాతంగా వుంటుంది. కొన్ని పరిశోధనల తేలిన లెక్కప్రకారం.. ఒక గుడ్డులో వుండే కొలెస్టిరాల్ రోజువారీ తీసుకునే ఆహారంలో కంటే ఎక్కువగా వుంటుంది. కాబట్టి ఎక్కువ గుడ్లు తీసుకోవడం వల్ల గుండె సంబంధిత (హార్ట్ ఎటాక్) వ్యాధులు ఖచ్చితంగా వస్తాయి.

జాగ్రత్తలు :

గతంలో జరిపిన అధ్యయనాల ప్రకారం.. ఒక వారంలో ఆరు గుడ్లు కన్నా ఎక్కువగా తీసుకోకూడదని తేల్చారు. అయితే ఇటీవలే జరిపిన పరిశోధనలప్రకారం.. కొలెస్టిరాల్ స్థాయి తక్కువగా వున్నవారు అనేక గుడ్లు తీసుకోవచ్చిన తేలింది. కానీ మధుమేహం వున్నవారు, కొలెస్టిరాల్ సమస్యతో బాధపడుతున్నవారు ఎక్కువగా తీసుకుంటే.. వారికి స్ట్రోక్ వచ్చే ప్రమాదముందని పరిశోధకులు హెచ్చరిస్తున్నారు.