ఇన్ఫెక్షన్ల నుంచి దూరంగా వుంచే బెస్ట్ ఫ్రూట్స్

Posted: 11/14/2014 05:45 PM IST

మానవ శరీరానికి తెలియకుండా కొన్ని రోగాలు అప్పుడప్పుడు సంక్రమిస్తుంటాయి. అయితే శరీరంలో వుండే వ్యాధినిరోధక శక్తి వాటితో పోరాడి ఎటువంటి ఇన్ఫెక్షన్లకు గురికాకుండా చేస్తుంది. అయితే అప్పుడప్పుడు దాని స్థాయి తగ్గిపోవడం వల్ల అనుకోకుండా రోగాలు సంక్రమిస్తుంటాయి. అలర్జీలు, ఇన్ఫెక్షన్లు, అజీర్ణ సమస్యలకు దారితీస్తుంది. అటువంటి చిన్నచిన్న వ్యాధుల నుంచి మనల్ని మనం రక్షించుకోవాలంటే మన శరీరానికి కావల్సినంత శక్తిసామర్థ్యాలు కలిగి వుండాలి. అంటే.. వ్యాధినిరోధక స్థాయి ఖచ్చితమైన పరిమాణంలో వుండాలి. అప్పుడే అటువంటి సమస్యల నుంచి బయటపడగలం. కాబట్టి.. వ్యాధినిరోధక శక్తిని పెంచే పోషక విలువలున్న ఫ్రూట్స్ తీసుకుంటే చాలామంచింది. అవి శక్తిని పెంచి, వ్యాధులను దూరంగా వుంచుతాయి. మరి ఆ ఫ్రూట్స్ ఏంటో తెలుసుకుందాం...

1. జామూన్ (బ్లూ బెర్రీస్) : వీటిలో క్యాలరీలు తక్కువ స్థాయిలోనూ... ఐరన్, ఫొల్లేట్, పొటాషియం, విటమిన్స్ వంటి పోషకాలు ఎక్కువ స్థాయిలోనూ వుంటాయి. ఇవి సాధారణంగా సంభవించే చిన్నచిన్న జబ్బులను ఎదుర్కోవడానికి సహాయపడుతాయి.

2. లిచి : వీటిలో విటమిన్ సి పుష్కలంగా ఉంటుంది. ఇది శరీరంలో శక్తి సామర్థ్యాలు పెంచడానికి, వ్యాధినిరోధకతను మెరుగుపరచడానికి సహాయపడుతుంది. అలాగే.. శరీరానికి కావల్సిన యాంటీఆక్సిడెంట్స్ ను అంధించి, బరువు తగ్గడానికి సహాయపడుతుంది.

3. ప్లమ్స్: ఇవి శరీరంలో వ్యాధి నిరోధకశక్తిని పెంచడానికి సహాయపడుతుంది. అలాగే ఫ్లూ, కోల్డ్ వంటి ఇన్ఫెక్షన్ల నుండి దూరంగా వుంచడంలో గొప్పగా సహాయపడుతుంది.

4. చెర్రీస్ : వీటిలో యాంటీఆక్సిడెంట్స్ పుష్కలంగా ఉంటాయి. ఇవి మొదడకు ప్రశాంతపరచడానికి, విశ్రాంతి పొందడానికి సహాయపడుతాయి.

5. పీచ్ : ఈ పండ్లలో క్యాలరీలు తక్కువ మోతాదులోనూ, ఫైబర్ కంటెంట్ ఎక్కువ స్థాయిలోనూ వుంటాయి. ఇది బరువు తగ్గించడానికి సహాయపడుతుంది. అలాగే ఇందులో అధికంగా వుండే విటమిన్-సి వ్యాధినిరోధకతను పెంచుతుంది.

6. దానిమ్మ : ఇది శరీరంలో వ్యాధినిరోధకతను పెంచడానికి సహాయపడుతుంది . ఈ దానిమ్మ విత్తనాల్లో అనేక న్యూట్రీషియన్స్ ఉంటాయి.

7. ఆపిల్స్ : మానవ శరీరానికి కావలసిన పోషక విలువలు ఇందులో పుష్కలంగా వుంటాయి. ఈ పండ్లు వివిధ రకాల జబ్బుల నుండి పోరాడి.. నిత్యం ఆరోగ్యంగా వుండేందుకు సహాయపడుతాయి.

8. అరటిపండ్లు : వీటిలో విటమిన్స్, మినిరల్స్ పుష్కలంగా ఉంటాయి. ఇది జీర్ణక్రియను మెరుగుపరుస్తుంది.

9. బేరిపండ్లు: వ్యాధులనుంచి పోరాడే దాదాపు అన్ని విటమిన్స్ ఈ బేరిపండ్లలో పుష్కలంగా ఉంటాయి.

10 .బొప్పాయి : ఇందులో విటమిన్ సి పుష్కలంగా ఉంటుంది. ఇది వ్యాధినిరోధకతను పెంచడంలో విశేషంగా సహాయపడుతుంది. అలాగే ఇందులో ఉండే అధిక ఫైబర్ కంటెంట్ అనేక జబ్బులను ఎదుర్కోవడానికి సహాయపడుతుంది.