ఆ డైరెక్టర్ తో ‘లవ్ స్టోరీ’కి సిద్ధమవుతున్న చెర్రీ

Posted: 10/16/2015 01:19 PM IST

Ram charan love story with goutham vasudev menon to get lover boy image

‘బ్రూస్ లీ’ సినిమాతో ప్రేక్షకుల ముందుకొచ్చిన మెగాపవర్ స్టార్ రామ్ చరణ్ తేజ్.. తన తదుపరి చిత్రాలపై అప్పుడే దృష్టి సారించినట్లు తెలుస్తోంది. ఈ చిత్రం పాజిటివ్ టాక్ తెచ్చుకోవడంతో ఫుల్ ఖుషీలో వున్న చెర్రీ.. అదే జోష్ తో జోరుమీదున్నట్లు చెప్పుకుంటున్నారు. ఇప్పటికే చెర్రీ తమిళంలో సూపర్ హిట్ అయిన ‘తని ఒరువన్’ రీమేక్ లో నటించనున్న విషయం తెలిసిందే. త్వరలోనే సెట్స్ మీదకు వెళ్లనున్న ఈ చిత్రం.. పర్ఫెక్ట్ కమర్షియల్ ఫార్మాట్ లో ఉండే పోలీస్ థ్రిల్లర్ కథాంశంతో రూపొందనుంది. అయితే.. వరుసగా కేవలం యాక్షన్ సినిమాలే చేసుకుంటూ పోతున్న చెర్రీ.. ఇప్పుడు లవర్ బాయ్ ఇమేజ్ కోసం ప్రయత్నాలు చేస్తున్నాడని సమాచారం.

వరుస యాక్షన్ చిత్రాలతో మాస్ హీరోగా తనకంటూ ప్రత్యేక ముద్ర వేయించుకున్న రామ్ చరణ్.. ఛేంజోవర్ కోసం దర్శకుడు కృష్ణవంశీతో కలిసి ‘గోవిందుడు అందరివాడేలే’ చిత్రం చేశాడు. ఆ మూవీ డీసెంట్ హిట్ సాధించడంతోపాటు చెర్రీలో దాగివున్న మరో కోణాన్ని తెలియజేసింది. ఇప్పుడు లవర్ బాయ్ ఇమేజ్ కోసం ప్రయత్నిస్తున్నట్లు తెలిసింది. ఇందుకోసం.. సౌత్ ఇండియన్ క్రేజీ డైరెక్టర్స్ లో ఒకరైన గౌతమ్ వాసుదేవ్ మీనన్ తో ఇటీవల కలిసి.. ఓ ప్రేమకథ సిద్ధం చేయమని చెప్పినట్లు ఇండస్ట్రీలో చెప్పుకుంటున్నారు. యాక్షన్ సినిమాలైనా, లవ్ స్టోరీస్ అయినా గౌతమ్ మీనన్ చాలా డిఫరెంట్ గా చేస్తాడనే పేరుంది. అందుకే.. ఆయన డైరెక్షన్ తో ఓ లవ్ స్టోరీ సినిమా తీస్తే.. తనకూ లవర్ బాయ్ ఇమేజ్ వస్తుందనే ఆశతో గౌతమ్ తో నెక్ట్స్ ప్రాజెక్ట్ చేసేందుకు ఆసక్తి చూపుతున్నాడని అనుకుంటున్నారు. అయితే.. ఇందుకు సంబంధించి ఇంకా అధికారిక ప్రకటన వెలువడాల్సి వుంది.

ఒకవేళ రామ్ చరణ్ – గౌతమ్ మీనన్ కాంబినేషన్ లో ఆ లవ్ స్టోరీ తెరకెక్కితే.. అది సూపర్బ్ క్రేజీ లవ్ స్టొరీ అవుతుందని చెప్పుకుంటున్నారు. ‘మాస్ + లవ్’ రెండు ఎలిమెంట్లు అందులో చూసేందుకు అవకాశం వుంటుంది. ఆ స్టోరీ కచ్చితంగా ప్రేక్షకులను అలరిస్తుందని చెప్పడంలో ఎటువంటి అతిశయోక్తి లేదు. మరి.. ఫైనల్ గా సెట్స్ పైకి వెళ్ళే టైంకి చరణ్ ఒపీనియన్ మార్చుకుంటాడా లేక లవ్ స్టొరీకే ఫిక్స్ అవుతాడా అన్నది చూడాలి.