హీరోగా ఎంట్రీ ఇవ్వనున్న సుకుమార్ అన్న కొడుకు

Posted: 05/25/2015 03:47 PM IST

Sukumar brother son ashok tollywood entry as hero

టాలీవుడ్ దర్శకుల్లో తనకంటూ ప్రత్యేక గుర్తింపు తెచ్చుకున్న దర్శకుడు సుకుమార్ అన్న కొడుకైన అశోక్ త్వరలోనే హీరోగా తన అదృష్టాన్ని పరీక్షించుకోబోతున్నాడు. సుకుమార్ తెరకెక్కించిన రొమాంటిక్ కామెడీ ఎంటర్టైనర్ ‘100 %లవ్’, సైకలాజికల్ థ్రిల్లర్ ‘1- నేనొక్కడినే’ చిత్రాలకు అశోక్ అసిస్టెంట్ డైరెక్టర్ గా పని చేశాడు. ఆ తర్వాత తనను తాను హీరోగా పరిచయం చేసుకోవాలన్న ఆశతో కొన్నాళ్లపాటు యాక్టింగ్ క్లాసెస్, స్టంట్స్ నేర్చుకోవడంలో బిజీ అయిపోయాడు.

అనంతరం ఇండిపెండెన్స్ టాకీస్ బ్యానర్ పై అశోక్ హీరోగా పరిచయం అవుతున్నాడు. ఈ చిత్రానికి సాయి రామ్ చల్లా దర్శకత్వం వహించగా, ప్రభాకర్ రెడ్డి నిర్మాతగా వ్యవహరిస్తున్నారు. ఇప్పటికే ఈ మూవీ షూటింగ్ కంప్లీట్ అయింది. ఏమాత్రం వివరాలు బయటికి రానివ్వకుండా త్వరగా షూటింగ్ చేసుకున్న ఈ చిత్రం.. త్వరలో విడుదలకు సిద్దంగా ఉంది. షూటింగ్ నేపథ్యంలో అశోక్ అద్భుతంగా అద్భుతంగా నటించాడని, డ్యాన్స్-ఫైట్స్ సన్నివేశాల్లోనూ బాగానే తన ప్రతిభ కనబరిచాడని యూనిట్ వర్గాలు చెబుతున్నాయి. ఈ సినిమాకి సంబంధించిన మరిన్ని వివరాలు త్వరలోనే వెల్లడి కానున్నాయి.