అక్కినేని అఖిల్

Posted: 09/15/2014 03:48 PM IST

Akkineni akhil entry in tollywood with mass director vv vinayak

‘‘సిసింద్రీ’’గా ప్రధానపాత్రలో బాలనటుడిగా తెలుగు చిత్రపరిశ్రమలోకి ఎంట్రీ ఇచ్చుకున్న అక్కినేని అఖిల్... ఇప్పుడు హీరోగా రంగప్రవేశం చేయడానికి రెడీ అవుతున్నాడు. ఇప్పటికే నాగార్జున తన తనయుడిని హీరోగా పరిచయం చేసేందుకు అందుకు తగ్గట్టు దర్శకుడి కోసం వేట మొదలుపెట్టారు. ఈ వేటలో ఆయన ఎంతోమంది స్టార్ డైరెక్టర్లతో భేటీ అయ్యారు. అయితే అందులో ఎక్కువ మోతాదులో రెమ్యునరేషన్ డిమాండ్ చేయడంతో చివరికి ఆయన వీవీ వినాయక్ ను సంప్రదించారు. ఈ సినిమాకు ఆయన ఫేవరబుల్ రెమ్యునరేషన్ ను డిమాండ్ చేయడంతో అందుకు నాగార్జున ఒప్పుకున్నట్టు ఇండస్ట్రీ వర్గాల నుంచి వస్తున్న సమాచారం! దీంతో ప్రస్తుతం ఇది హాట్ టాపిక్ గా మారిపోయింది.

కేవలం క్లాస్ సినిమాలకు మాత్రమే కేరాఫ్ అడ్రస్ గా అక్కినేని కుటుంబం... మాస్ కమర్షియల్ డైరెక్టర్ చేతిలో అఖిల్ ఎంట్రీ ఎందుకు చేయిస్తున్నారంటూ సందేహాలు వెలువడుతున్నాయి. ఇందుకు బదులుగా.. అఖిల్ మాస్ హీరోగా చిత్రపరిశ్రమలో తనకంటూ ఒక ఇమేజ్ క్రియేట్ చేసుకోవాలని అనుకుంటున్నట్టు సమాచారం! అక్కినేని కుటుంబంలో ఇంతవరకు నటించిన చిత్రాలలో కేవలం క్లాస్ సినిమాలే బాక్సాఫీస్ దగ్గర బాగా హిట్ సాధించాయి. మాస్ సినిమాలు తీసినప్పటికీ అవి కేవలం కొద్దిపాటిమేరకే యావరేజ్ హిట్లతో బాక్సాఫీస్ దగ్గర నిలిచాయి. అందుకే ఈసారి మాస్ సినిమాతో బాక్సాఫీస్ రికార్డులతో బద్దలు కొట్టాలనే ఆలోచనతో అఖిల్ వున్నాడని తెలుస్తోంది.

ఈ నేపథ్యంలోనే నాగార్జున, వివి వినాయక్ తో ఒప్పందం కుదుర్చుకున్నట్టు తెలుస్తోంది. పైగా, వినాయక్ తెరకెక్కించిన ‘‘అల్లుడు శీను’’ కూడా బాక్సాఫీస్ దగ్గర మాస్ హిట్ గా నిలవడంతో.. అతనితోనే అఖిల్ ఎంట్రీ చేయిస్తే నాగ్ ఆశించినట్లు వర్గాలు తెలుపుతున్నాయి. అంటే.. అఖిల్ ‘‘మాస్’’ హీరోగా టాలీవుడ్ కి ఎంట్రీ ఇవ్వబోతున్నాడన్నమాట! ఇక, త్వరలోనే అఖిల్ ‘‘అక్కినేని బ్యానర్’’పై మాస్ హీరోగా మూవీ రెడీ కాబోతోంది. ఇంకా మిగిలిన సమాచారాలు త్వరలోనే తెలియనున్నాయని టాలీవుడ్ లో టాక్!