రాజమౌళి

Posted: 09/15/2014 03:35 PM IST

డైరెక్టర్ రాజమౌళి ఇప్పుడు కాస్త రిలీఫ్ గా ఫీలవుతున్నాడు. ఇన్నాళ్లు క్షణం తీరికలేని షూటింగ్ షెడ్యూల్ తో బిజీగా ఉన్న రాజన్న ఇప్పుడే కాస్త ఉపశమనం పొందుతున్నట్లు తెలుస్తోంది. ప్రస్తుతం బాహుబలి షూటింగ్ ను కాస్త పక్కన పెట్టారు. కొద్ది  రోజులు విరామం ప్రకటించి సినిమా యూనిట్ మొత్తాన్ని హైదరాబాద్ కు తీసుకువచ్చారు. మళ్ళి త్వరలోనే షూటింగ్ ప్రారంభం అవుతుందని సినిమా వర్గాలు అంటున్నాయి. హైదరాబాద్ వచ్చే ముందుగా మహబలేశ్వరంలో సినిమా షూటింగ్ బిజీగా జరిగింది. షెడ్యూల్ లో క్షణం ఖాళీ లేకపోవటంతో నటి తమన్నా.., ఆగడు ఆడియో విడుదలకు కూడా రాలేకపోయింది.

ఇక నగరానికి వచ్చిన జక్కన ఊరికే మాత్రం లేడు. సినిమా గురించి.., ముఖ్యంగా ప్రమోషన్లపై కొత్తగా ఆలోచిస్తున్నాడు. ఇందుకోసమే బాహుబలి క్రికెట్ టోర్నీ పెట్టాడు. సినిమాలోని హీరో ప్రభాస్; విలన్ రాణాలతో రెండు టీంలు ఏర్పాటు చేసి.. వారితో క్రికెట్ ఆడిస్తాడట. మ్యాచ్ మొత్తాన్ని వీడియో తీసి హైలైట్స్ అన్ని కలిపి ఎడిటింగ్ చేయించి ఓ ప్రోమో తయారు చేయించి యూట్యూబ్ లో వదిలేందుకు ప్లాన్ వేసుకున్నాడు. ఇప్పటికే బాహుబలి ఫొటోలు, ప్రోమోలకు తెగ పాపులారిటీ రావటంతో.. క్రికెట్ మ్యాచ్ కూడా క్లిక్ అవుతుందని ఆశిస్తున్నాడు.

టాలీవుడ్ లో భారీ బడ్జెట్, సమయం తీసుకున్న సినిమాగా రికార్డు సృష్టిస్తున్న బాహుబలి వచ్చే ఏడాది విడుదల కానుంది. ప్రభాస్ హీరోగా నటిస్తుండగా.., తమన్నా.., అనుష్క హీరోయిన్లుగా నటిస్తున్నారు. ఇక కీరవాణి ఈ సినిమాకు సంగీతం అందిస్తున్నాడు. త్వరలోనే తిరిగి షూటింగ్ ప్రారంభించి మళ్లీ రాజన్న బిజీ అవుతాడు.

కార్తిక్