హైదరాబాద్ పై రాయపాటి కోరిక

Posted: 10/17/2013 04:02 PM IST

గుంటూరు ఎంపీ రాయపాటి సాంబశివరావు మనసులో ఉన్న కోరిక ను బయట పెట్టారు. రాయపాటి సాంబశివరావు కు హైదరాబాద్ పై ఉన్న ప్రేమను ఈరోజు బయట పెట్టారు. రాష్ట్ర విభజనకు రాయపాటి వ్యతిరేకం అని చెబుతూ.. హైదరాబాద్ ను యూటీగానీ , దేశ రెండో రాజధాని కానీ చేయాలిన రాయపాటి డిమాండ్ చేయటం జరిగింది. నిన్న చిత్తూరు జిల్లోలో తెలుగుదేశం పార్టీ నాయకులు రాష్ట్ర విభజనకు వ్యతిరేకంగా సోనియా గాంధీ చిత్రపటానికి పూల మాల వేసి, సమాధి కట్టి, యాగం చేయటాన్ని రాయపాటి తీవ్రంగా ఖండించారు.

 

తను చేసిన రాజీనామా ఆమోదిస్తే సంతోషమని, రాజీనామాలు ఆమోదించకపోతే పార్లమెంటు లో బిల్లును వ్యతిరేకిస్తామన్నారు. జగన్ తో కాంగ్రెస్ అవగాహన కుదుర్చుకున్న విషయం తమకు తెలియదని , అవగాహన కుదిరితే వైకాపా విభజనను వ్యతిరేకించేది కాదని రాయపాటి అన్నారు. రాజీనామా చేయాలన్న ఒత్తిడి తనపై లేదని, నైతిక బాద్యతతోనే రాజీనామా చేశాం తప్ప ఒత్తిడి వల్ల కాదని రాయపాటి చెప్పారు. రాష్ట్ర విభజన జరగదన్న విశ్వాసం తమకుందన్నారు.

 

అయితే రాజీనామా చేసిన రాయపాటి, సమైక్యాంద్ర కోసం సోనియా గాంధీ పై నిరసన తెలిపిన తెలుగుదేశం పార్టీ నాయకల చర్యను తప్పుబట్టడం అనేది ఆశ్చర్యంగా ఉందని అంటున్నారు. ఢిల్లీ వెళ్లి చంద్రబాబు దీక్ష కు మద్దతు తెలిపిన రాయపాటి మళ్లీ ఇలా మాట్లాడటం పై సమైక్య వాదులు ఆశ్చర్యపోతున్నారు. అంతేకాకుండా జగన్ పార్టీ పై సున్నితమైన విమర్శ చేయటం వెనుక ఉన్న మరమ్మం ఏమిటో ఎవరికీ అర్థం కావటంలేదు.. అసలు ఇంతకీ రాయపాటి కాంగ్రెస్ లో ఉంటాడా? లేక టిడిపి, వైఎస్ఆర్ కాంగ్రెస్ పార్టీలోకి చేరతాడా? లేక కొత్త పార్టీ పెడతాడో చూడలంటే.. 2014 వరకు ఆగాల్సిందే.