కాపలా కుక్కల్లా వారిని రక్షిస్తాం? మాజీ మంత్రి

Posted: 07/12/2013 09:09 AM IST

తెలంగాణ ఇస్తే సీమాంద్రుల వారి ప్రాణాలను మా ప్రాణాలు అడ్డం పెట్టి కాపాడుకుంటాం అని తెలంగాణ కాంగ్రెస్ మంత్రి చెప్పటం జరిగింది. ఇప్పుడు మాజీ మాజీ మంత్రి మరో ప్రకటన చేశారు. తెలంగాణ రాష్ట్రం ఏర్పడినా సీమాంధ్రుల ఆస్తుల రక్షణకు ఎలాంటి ఢోకా ఉండదని మాజీ మంత్రి షబ్బీర్ అలీ చెప్పారు. తెలంగాణ వచ్చిన తరువాత తామంతా కాపలా కుక్కల్లా సీమాంధ్రుల ఆస్తులకు రక్షణ కల్పిస్తామని వ్యాఖ్యానించారు. షబ్బీర్ అలీ పీసీసీ అధ్యక్షుడు బొత్స సత్యనారాయణ , ఉప ముఖ్యమంత్రి దామోదర రాజనర్సింహ, పంచాయతీరాజ్ మంత్రి కె.జానారెడ్డిని వేర్వేరుగా కలిసి తెలంగాణ విషయంలో తన అభిప్రాయాన్ని వివరించారు. తెలంగాణ రాష్ర్టం ఏర్పడితే సీమాంధ్రుల ఆస్తులకు రక్షణ ఉండదంటూ దుష్ర్పచారం జరుగుతోందని ఆయన పేర్కొన్నారు. సీమాంధ్రులకు ఎలాంటి భయం అవసరం లేదని, వారు స్వేచ్ఛగా వ్యాపారాలు చేసుకోవచ్చని చెప్పారు. కేంద్రం నుంచి వస్తున్న సంకేతాలను బట్టి తెలంగాణ రాష్ట్ర ఏర్పాటు ఖాయమనిపిస్తోందని అభిప్రాయపడ్డారు. రాయల తెలంగాణ రాష్ట్రాన్ని ఏర్పాటు చేస్తారంటూ వస్తున్న వార్తలను కొట్టిపారేశారు. పది జిల్లాలతో కూడిన తెలంగాణ ఏర్పడటం ఖాయమన్నారు.