ప్రత్యక్షంగా హాజరుపరచండి.?

Posted: 06/18/2013 01:09 PM IST

చంచల్‌గూడ జైలు నుంచి తనను మరో జైలుకు మార్చాలంటూ సీబీఐ దాఖలు చేసిన మెమోపై తన వాదన వినిపించేందుకు వీలుగా ఈ నెల 19న తనను ప్రత్యక్షంగా హాజరుపర్చేలా ఆదేశాలు జారీచేయాలని కోరుతూ ఆడిటర్ విజయసాయిరెడ్డి సీబీఐ కోర్టుకు విజ్ఞప్తి చేశారు. ఈ మేరకు సాయిరెడ్డి తరఫు న్యాయవాది అశోక్‌రెడ్డి ప్రత్యేక కోర్టులో మెమో దాఖలు చేశారు. మరో జైలుకు మార్చాలంటూ సీబీఐ దాఖలు చేసిన మెమోపైనా కౌంటర్ దాఖలు చేశారు. ఈ కేసు నుంచి తనను తొలగించాలని కోరుతూ దాఖలు చేసిన డిశ్చార్జ్ పిటిషన్లతోపాటు, మరో జైలుకు మార్చాలన్న పిటిషన్లపై న్యాయవాదులకు సహకరించేందుకు వీలుగా వాదనల సమయంలో సాయిరెడ్డిని ప్రత్యక్షంగా హాజరుపర్చేలా ఆదేశించాలని కోరారు. ఈ పిటిషన్‌పై కోర్టు నిర్ణయం తీసుకోనుంది. ఇదిలా ఉండగా సాయిరెడ్డి బెయిల్‌ను రద్దు చేసిన నేపథ్యంలో సీసీ నంబర్ 9, 10, 14 చార్జిషీట్లలో ఆయనకు కోర్టు పీటీ వారంట్లు జారీచేసింది.