Posted: 11/27/2012 12:47 PM IST

       వజ్రాల నాణ్యతా ప్రమాణాలను పరీక్షించేందుకు హైదరాబాద్‌లో అంతర్జాతీయ జెమొలాజికల్‌ సంస్థ ప్రత్యేక కేంద్రాన్ని ఏర్పాటు చేయనుంది. ఈ కేంద్రం వచ్చే ఏడాది జనవరిలో ప్రారంభం కానుందని సంస్థ ప్రకటించింది. అంతర్జాతీయ జెమొలాజికల్‌ సంస్థ కార్యకలాపాల ద్వారా నాణ్యమైన, విలువైన వజ్రాల అమ్మకాలకు గిరాకీ పెరుగుతుందని వ్యాపారులు చెబుతున్నారు. వజ్రాభరణాల వ్యాపారంలో తీసుకోవాల్సిన జాగ్రత్తలపై అంతర్జాతీయ జెమొలాజికల్‌ సంస్థ ఈరోజు అవగాహనకార్యక్రమాన్ని చేపట్టింది. వజ్రాలు, ముత్యాల అమ్మకాలకు ప్రసిద్ధి గాంచిన రాజధానిలో వ్యాపారస్తులతో కలిసి రెండు రోజుల ప్రత్యేక సదస్సు నిర్వహించింది. సదస్సు చివరి రోజు పలు రకాల వజ్రాభరణాలను ప్రదర్శనకు ఉంచేందుకు నిర్వాహకులు ఏర్పాట్లు చేస్తున్నారు.

...avnk