Posted: 11/10/2012 04:25 PM IST

కొంతకాలం క్రితం రాజకీయ సినీ వర్గాల్లో తీవ్ర గుబులు రేకెత్తించిన సినీ నటి, నిర్మాత రాజేశ్వరి అలియాస్ తారాచౌదరి కేసును పోలీసులు మళ్లీ విచారించనున్నారు. ఎలాంటి ఆధారాలు లేకుండానే తనను అరెస్టు చేసి అక్రమంగా జైలుకు పంపారని తారాచౌదరి నెలరోజుల క్రితం సీఐడీ అదనపు డెరైక్టర్ జనరల్‌కు ఫిర్యాదు చేసిన సంగతి తెలిసిందే. దీనికి స్పందించిన సీఐడీ అడిషనల్ డెరైక్టర్ ఈ కేసును మళ్లీ దర్యాప్తు చేయాలని, తారాచౌదరిపై కేసు పెట్టిన విశాఖపట్నం నివాసి లక్ష్మిని విచారించాలని శుక్రవారం బంజారాహిల్స్ పోలీసులకు ఆదేశాలు జారీ చేశారు. దీంతో బంజారాహిల్స్ అడిషనల్ ఇన్‌స్పెక్టర్ చంద్రశేఖర్‌గౌడ్ ప్రత్యేక బృందాన్ని ఏర్పాటు చేశారు. అనంతంరం పోలీసులు రంగంలోకి దిగి ఫిర్యాదుదారు లక్ష్మి కోసం పోలీసులు వాకబు చేయగా వైజాగ్‌లో ఆమె పేర్కొన్న అడ్రస్‌లో లేదని తెలిసింది. దీంతో ఆమె చిరునామా తెలుసుకొనే పనిలో పడ్డారు.
         తారాచౌదరి బలవంతంగా తను వ్యభి చార కూపంలోకి దింపుతోందని, తనలాగే ఎంతోమందిని వ్యభి చారం చేయమని బ్లాక్‌మెయిల్ చేస్తోందని విశాఖపట్నానికి చెందిన లక్ష్మి అనే యువతి గతమార్చి 31న అప్పటి ఇన్‌స్పెక్టర్ ఎం.సుదర్శన్‌కు ఫిర్యాదు చేయటంతో మొత్తం వ్యవహారం గుట్టురట్టయింది.
        దీంతో పోలీసులు ఐపీసీ 354, 344, 323, 506 సెక్షన్ల కింద కేసు నమోదు చేసి తారాచౌదరినిచంచల్‌గూడ జైలుకు తరలించారు. ఇటీవలే బెయిల్‌పై విడుదలైన ఆమె పోలీసులు తనను అక్రమంగా అరెస్ట్ చేశారని, తాను ఎవరితోనే బలవంతంగా వ్యభిచారం చేయించలేదని ఆమె డీజీకి మొరపెట్టుకోవటంతో మళ్లీ కేసు మొదటకి వచ్చింది.

...avnk