ఆ భయంతో సెల్ఫ్ డబ్బా వాయించుకుందట!

Posted: 05/20/2015 03:56 PM IST

ప్రస్తుతరోజుల్లో తమకంటూ ఓ ప్రత్యేక గుర్తింపు తెచ్చుకోవాలంటే టాలెంట్ తోనైనా ముందుకు దూసుకెళ్లాలి లేదా రకరకాల వదంతులు సృష్టించుకుని సెల్ఫ్ డబ్బాలు వాయించుకోవాలి. ఈ విషయాన్ని గ్రహించిన కొందరు.. రకరకాల ప్రచారాలతో బాగానే కుస్తీ పడుతున్నారు. ముఖ్యంగా సినీరంగంలో అయితే ఈ సెల్ఫ్ డబ్బా ప్రచారమే ఎక్కువ! ఏదో ఓ విధంగా తెలివిగా ఆలోచించి.. కొన్నాళ్లపాటు తమ పేరు వార్తల్లో నిలిచేలా సంచలన ప్రచారాలు సృష్టించుకుంటారు. దాంతో వారు ఒక్కసారిగా హైలైట్ అయిపోతారు. ఈ విధంగానే సంచలన నటి నయనతార తనను తాను ప్రచారం చేసుకోవడం కోసం కొన్ని వదంతులను సృష్టించిందట!

వివరాల్లోకి వెళ్తే.. ఒకప్పుడు కోలీవుడ్‌లో ప్రేమ వ్యవహారాల్లో కలవరం పుట్టించిన నయనతార.. కొంత కాలం సెలైంట్‌గా వుంది. కేవలం సినిమాలు చేసుకుంటూ తన కాలం గడిపింది. నయన కూడా ఇకపై తన జీవితంలో ప్రేమకు తావు లేదు అంటూ స్టేట్‌మెంట్స్ ఇచ్చేసింది. తన కుటుంబసభ్యులు కుదిర్చిన వివాహమే చేసుకుంటానని అమ్మడు చెప్పుకొచ్చింది కూడా! చాలామంది నిజమేనేమో అని అనుకున్నారు. అలాంటిది ఇటీవల నయనతార గురించి ప్రేమ, పేళ్లి అంటూ సామాజిక మాధ్యమాల్లో పుకార్లు హోరెత్తాయి. యువ దర్శకుడు విఘ్నేష్‌శివన్, నయనతార పెళ్లి చేసుకున్నారనే వార్తలు తండోపతండాలుగా వచ్చాయి. అయితే.. ఆ తర్వాత ఆ ప్రచారాన్ని వారిద్దరూ ఖండించారు. ఇంతవరకు బాగానే వుంది కానీ.. ఉన్నట్లుండి ఆ వదంతుల్ని ఎవరు పుట్టించారన్నదే ఇప్పుడు చర్చనీయాంశంగా మారిన అంశం.

ఆ విషయానికొస్తే.. నయనకు టాలీవుడ్‌లో మంచి అవకాశాలు వస్తున్నాయని తెలుస్తోంది. తమిళంలో అవకాశాలు కాస్త తగ్గుముఖం పట్టడంతో ఈమె తెలుగులో బిజీ కావాలని కోరుకుంటున్నట్లు సమాచారం. ఈ క్రమంలోనే తమిళనాడులో తన ఇమేజ్ ఎక్కడ తగ్గిపోతుందన్న భయంతో.. తన పెళ్లికి సంబంధించిన వదంతులు సృష్టించి.. కోలీవుడ్ జనాల్లో కొన్నాళ్లు వుండవచ్చునన్న నమ్మకంతో అలా చేసిందట! ప్రస్తుతం ఈ విధంగానే నయన గురించి కోలీవుడ్‌లో చర్చించుకుంటున్నారు. నయన టాలీవుడ్ కి వెళ్లిపోతే కోలీవుడ్ తనను మరిచిపోతుందేమోనన్న భయంతోనే, ఇలా వదంతులు నయన సృష్టించి వుండవచ్చునని అంటున్నారు.