బాయ్ ఫ్రెండ్ తో మైకేల్ జాక్సన్ కూతురి సరసాసల్లాపాలు

Posted: 05/25/2015 06:58 PM IST

మైకేల్ జాక్సన్... ప్రపంచవ్యాప్తంగా పరిచయం లేని ఒక గొప్ప పాప్‌స్టార్. తన పాటలతో, డ్యాన్సింగ్ స్టెప్పులతో ప్రపంచాన్నే ఉర్రతలూగించిన అపరమేధావి! అనతికాలంలో ఈయన అధిరోహించిన స్థానం మరెవ్వరికీ దక్కలేదు. అలా అందనంత ఎత్తుకు ఎదిగిన ఈ పాప్ స్టార్.. అలాగే 2009లో నింగిలో కలిసిపోయాడు. ఇతడు మరణించినప్పుడు అతని కూతురు పారిస్‌జాక్సన్ ప్రపంచానికి పరిచయమైంది. దాంతో మైకేల్ స్థానాన్ని ఆమె భర్తీ చేస్తుందని అంతా భావించారు.

ఆ వివరాలు ఎలాగున్నా.. ప్రస్తుతం పారిస్ జాక్సన్ తన బాయ్ ఫ్రెండ్ తో కలిసి చెట్టాపట్టాలేసుకుని తిరుగుతోంది. అంతేకాదు.. ఫంక్షన్లకు, పబ్బులకు ఎక్కడబడితే అక్కడ తిరుగుతూ కాలక్షేపం చేస్తున్నారు. పైగా.. వీరిద్దరూ కలిసి తిరుగుతున్న ఫోటోలను పారిస్ తన ఇన్‌స్టాగ్రాంలో పెట్టడం విశేషం! అలా ఫోటోలు పెట్టడం వల్లే ఈ అమ్మడు మరోసారి వార్తల్లోకెక్కింది. ఆ ఫోటోల్లో ఇద్దరూ కౌగిలించుకుంటూ ముద్దాడుకోవడం అందరికీ ఆశ్చర్యానికి గురిచేసింది. నిన్నటిదాకా సైలెంట్ గా ఈ అమ్మడు.. ఇప్పుడు తన బాయ్ ఫ్రెండ్ తో ఇంత ఘాటుగా కనిపిస్తుందని ఎవ్వరూ ఊహించలేకపోయారు.

17 ఏళ్ల పారిస్ జాక్సన్.. 18ఏళ్ల కాస్టెల్లాతో ప్రేమాయణం నడుపుతోంది. అతగాడు ఫుట్ బాల్ ప్లేయర్. అనుకోకుండా వీరిమధ్య ఏర్పడిన పరిచయం ఇప్పుడు ప్రేమగా మారింది. గతకొన్నాళ్ల నుంచి వీరిద్దరూ డేటింగ్ లో వున్నారని ఆమె పోస్ట్ చేస్తున్న ఫొటోలు చెప్పకనే చెప్తున్నాయి. త్వరలోనే వీరి నిశ్చితార్థం జరిగే సూచనలున్నాయని అంతా చెప్పుకుంటున్నారు కూడా! అయితే.. ఈ వార్తలను ఆమె అంకుల్ మాత్రం ఖండిస్తున్నాడు. ఏదైతేనేం.. ప్రస్తుతం ఈమె లవ్ ఎఫైర్ గురించే హాలీవుడ్ లో తెగ చర్చలు కొనసాగుతున్నాయి.