కరీష్మా కాపురం కూలిపోతుంది.... ?

Posted: 05/24/2014 04:09 PM IST

సినీ తారల పెళ్లిళ్లు మూణ్ణాళ్ల ముచ్చటేనని ఇప్పటి వరకు చాలా మంది సినీ తారల జీవితాలు నిరూపించాయి. ఈ బాటలో మరోతార కూడా తన వైవాహిక జీవితాన్ని తెగతెంపులు చేసుకుంటోంది. 2003లో సినిమాలకు గుడ్‌బై చెప్పి పారిశ్రామికవేత్త సంజయ్‌ని పెళ్లాడింది కరీష్మాకపూర్. ఆ తరువాత వీరిద్దరికి ఓ పాప, ఓ బాబు పుట్టారు.

అయితే ఢిల్లీకి చెందిన ఓ ప్రముఖ హోటల్ యజమాని విక్రమ్ చట్‌వాల్ మాజీ భార్యతో సంజయ్ సన్నిహితంగా ఉంటున్నాడని, ఆమెతోనే ఉండాలన్న నిర్ణయానికి వచ్చాడని కరిష్మాకు తెలియడంతో ఆమెకు, సంజయ్‌కి మధ్య మనస్పర్థలు తలెత్తాయి. దీంతో కియాన్ రాజ్‌కపూర్ పుట్టిన తరువాత ఇద్దరు పిల్లలతో కలిసి ఢిల్లీ నుంచి ముంబైకి మకాం మార్చేసింది కరిష్మా.

గత కొంత కాలంగా తన తల్లి బబితతో కలిసి వుంటోంది. ఇటీవలే విడాకుల కోసం కరిష్మాకపూర్ ఢిల్లీ కోర్టులో పిటీషన్ వేసింది. దీనికి ధీటుగా సంజయ్ విడాకులు కోరుతూనే ఇద్దరు పిల్లలని కరిష్మా తనకే ఇచ్చేయాలని కోర్టుకెక్కడం, పిల్లల్ని సంజయ్‌కి ఎట్టిపరిస్థితుల్లోనూ ఇచ్చేది లేదంటూ కరిష్మా వాదిస్తుండటం ముంబై చిత్ర వర్గాల్లో చర్చనీయాంశంగా మారింది.