ఐశ్వర్య కడుపులో కవలలు

Posted: 03/07/2014 03:28 PM IST

Aishwarya rai pregnant role in prahlad kakkar movie

బాలీవుడ్ బ్యూటీ ఐశ్వర్యరాయ్ కి మూడు సంవత్సరాల వయస్సున్న పాప ఉన్న విషయం తెలిసిందే. అభిషేక్ బచ్చన్ ని వివాహం చేసుకున్న ఈమె గత కొంత కాలంగా సినిమాలకు దూరంగా ఉంటూ ఆ పాప ఆలనా పాలనా చూసుకుంటూ బిజీగా ఉన్న ఈమె మళ్ళీ గర్భవతి అయ్యిందనే వార్త బాలీవుడ్ లో ఆసక్తికరంగా మారింది.

ఐష్ గర్భవతే కాదు... ఇద్దరు పిల్లల్ని అంటే కవలల్ని గర్బంలో మోస్తుందని కూడా చెబుతున్నారు. మరి కథా కమీషూ ఏంటో ఓసారి తెలుసుకుందాం. వాణిజ్య ప్రచార చిత్రాల దర్శకునిగా ప్రఖ్యాతి గాంచిన దర్శకుడు ప్రహ్లాద్ కక్కర్ 21ఏళ్ల ఆ అమ్మాయి పాత్రను ఐశ్వర్యరాయ్‌తో చేయించాలనేది ఆయన సంకల్పం. ఓ వారంలో ఈ కథను ఐష్‌కు చెప్పబోతున్నారు. కథ గురించి కక్కర్ చెబుతూ ‘కథానాయికగా ఐష్ సెకండ్ ఇన్నింగ్స్ నా సినిమా నుంచే మొదలవుతుందా లేదా అన్న విషయం నేను చెప్పలేను.

ఎందుకంటే... నేను నా కథను ఇంకా ఆమె చెప్పలేదు. ఇప్పటికే ఎవరి కథకైనా ఐష్ గ్రీన్ సిగ్నల్ ఇచ్చారా.. అనే విషయం కూడా నాకు తెలీదు. ఒక వారంలో నా కథ ఆమెకు చెప్పబోతున్నా. వినగానే మరో ఆలోచనకు తావివ్వకుండా నా సినిమాలో నటించడానికి గ్రీన్ సిగ్నల్ ఇస్తారని నా నమ్మకం. ఇందులో ఐష్ 21 ఏళ్ల అమ్మాయిగా కనిపించాలి.

ప్రస్తుత పరిస్థితిని బట్టి ఆమెను అలా చూపించలేం. కచ్చితంగా ఆమె బరువు తగ్గాల్సిందే. శ్రమించి బరువును తగ్గించుకునే మనో నిబ్బరం ఐశ్వర్యకు ఉంది. మరో ముఖ్యమైన విషయం... ఈ సినిమాలో ఐష్ గర్భవతిగా నటించాలి. మామూలు గర్భవతి కాదు.. కవలల్ని మోస్తున్న గర్భవతి. ఇందులో హీరోగా ఎవర్ని అనుకుంటు న్నానో చెప్పలేదు కదు... తనెవరో కాదు అభిషేక్ బచ్చనే’’ అని తెలిపారు.