తల్లి దండ్రుల పై కంగనా ఫైర్

Posted: 03/06/2014 02:37 PM IST

బాలీవుడ్ నటి ‘కంగనా రనౌత్ ’ ‘ఏక్ నిరంజన్ ’ సినిమా తో తెలుగు ప్రేక్షకులకు సుపరిచతం అయ్యింది. పూరి జగన్నాథ్ దర్శకత్వంలో వచ్చిన ఈ సినిమా అనుకున్నంత విజయం సాధించకపోవడంతో తెలుగు తెర నుండి మాయమై పోయింది.

ప్రస్తుతం బాలీవుడ్ లో తన హవా కొనసాగిస్తున్న ఈ అమ్మడు ఇటీవల తాను నటించిన ‘క్వీన్ ’ చిత్రం ప్రమోషన్ కార్యక్రమంలో తన కుటుంబ సభ్యుల పై, తల్లిదండ్రుల పై దుమ్మెత్తి పోసింది. మొదటి నుండి తన కుటుంబ సభ్యులంటే పడిని కంగనాను ఓ విలేఖరి అడిగిన ప్రశ్నకు ఘాటుగా సమాధానం ఇచ్చింది. తాను చిన్నతనం నుండి కుటుంబ సభ్యులతో ఇబ్బందులు ఎదుర్కొన్నానని, చాలా మంది పిల్లలు చిన్నతనంలో గారాబంగా పెరుగుతారు.

కానీ నేను అలా పెరగలేదు. తాను సినిమాల్లోకి రావడం కూడా వారికి ఇష్టం లేదని, అందుకే కుటుంబానికి దూరంగా ఉంటున్నానని కంగనా రనౌత్ చెప్పుకొచ్చారు. అయినా తల్లిదండ్రులకు ఇష్టా ఇష్టాలకు వ్యతిరేకంగా ప్రవర్తిస్తే ఏ తల్లిదండ్రులైనా క్షమించరు. తన ఇష్టానుసారంగా వ్యవహరిస్తూ తల్లిదండ్రుల పైనే దుమ్మెత్తి పోస్తుందంటే ఈ అమ్మడు ఎంత గడుసరో అర్థం అవుతుందని అనుకుంటున్నారు సినీ జనాలు.