పిల్లల కోసం గొంతు అరువు ఇస్తుంది

Posted: 02/28/2014 01:03 PM IST

బాలీవుడ్ ముద్దుగుమ్మ సోనాక్షి సిన్హా తొలిసారిగా తన గొంతును మరొకరికి ఎరువిస్తోంది. అయితే, ఇది యానిమేషన్ పాత్ర కావడం విశేషం! త్వరలో ఓ యానిమేషన్ చిత్రంలో ఆమె గొంతును మనం వినబోతున్నాం. పాప్యులర్ ఆంగ్ల చిత్రం 'రియో' కు సీక్వెల్ గా వస్తున్న 'రియో 2' హిందీ వెర్షన్ లోని మెకాస్ జ్యువెల్ అనే పాత్రకు సొనాక్షి డబ్బింగ్ చెప్పనుంది.

'యానిమేషన్ చిత్రాలు చూసేందుకు నేను చాలా ఇష్టపడతాను. డబ్బింగ్ చెప్పాలని ఆ చిత్రం నిర్మాతలు నన్ను సంప్రదించినప్పుడు అంతగా ఆలోచించలేదు. ఇది నాకు పూర్తిగా కొత్త అనుభవం, చాలా ఎగ్జయిట్ అవుతున్నా. పిల్లలకు, కుటుంబానికి ఇలాంటి చిత్రాలు మంచి ట్రీట్ లాంటివి' అని సోనాక్షి ఓ ప్రకటనలో చెప్పింది. అన్నట్టు, ఇందులోని బ్లూ అనే మరో పాత్రకు నటుడు ఇమ్రాన్ ఖాన్ వాయిస్ ఇస్తున్నాడు.

హాలీవుడ్ చిత్రానికి సీక్వెల్ గా తెరకెక్కిన ఈ సినిమాను ఇంగ్లీష్ , హిందీ, తమిళ మరియు తెలుగు భాషల్లో విడుదల చేయబోతున్నారు.