తమ్ముడితో సోనాక్షి సిన్హా

Posted: 02/25/2014 08:05 PM IST

బాలీవుడ్ ప్రముఖ నటుడు శత్రుఘ్న సిన్హా కూతురు సోనాక్షి సిన్హా బాలీవుడ్ లో టాప్ హీరోయిన్ గా చెలామణి అవుతున్న ఈ అమ్మడు ఓ వైపు సినిమాల్లో బిజీగా ఉంటూనే మరో వైపు యాడ్స్ లో కూడా బిజీ అయిపోయింది. ఇప్పటి వరకు ఇతరుల దర్శకత్వంలో నటించిన సోనాక్షి ఇప్పుడు తన సొంత తమ్ముడు అయిన కుష్ సిన్షా దర్శకత్వంలో నటించబోతుంది.

ఇతని దర్శకత్వంలో ఓ యాడ్ ఫిలిం చేయబోతుంది. గతంలో సంజయ్ లీలా భన్సాలీ చిత్ర ‘సావరియా ’ అభినవ్ కాశ్యప్ దర్శకత్వం వహించిన 'బేషరమ్', 'దబాంగ్' చిత్రాలకు కుష్ సిన్హా అసిస్టెంట్ గా పనిచేశారు. తాను రూపొందించబోయే యాడ్ సోనాక్షి అభిమానులను ఆకట్టుకుంటుందని కుష్ తెలిపారు. ఓ రియల్ ఎస్టేట్ కు సంబంధించిన యాడ్ ను తాను రూపొందిస్తున్నట్టు కుష్ తెలిపారు.

తన తండ్రి శతృఘ్న సిన్హా పేరిట నెలకొల్పిన షాట్ గన్ మూవీస్ బ్యానర్ పై ఈ యాడ్ ను రూపొందిస్తున్నట్టు కుష్ తెలిపారు. మొత్తానికి ఫ్యామిలీ అంతా కలిసి సదరు సంస్థ దగ్గర నుండి బాగాలే లాగుతున్నారన్న మాట.