పవన్-త్రివిక్రమ్ టైటిల్.. రాజు వచ్చినాడు?

Posted: 08/16/2017 11:05 AM IST

పవన్ కళ్యాన్ త్రివిక్రమ్ కాంబినేషన్ లో రాబోతున్న సినిమా గురించి టాలీవుడ్ లో అప్పుడే అంచనాలు పెరిగిపోయాయి. జల్సా, అత్తారింటికి దారేది తర్వాత మూవీ కావటంతో బిజినెస్ కూడా భారీగా జరనుందని టాక్ వినిపిస్తోంది. షూటింగ్ శరవేగంగా జరుపుకుంటుండగా ఇప్పటిదాకా ఏ విషయంలోనూ చిత్ర యూనిట్ నుంచి అఫీషియల్ ప్రకటన వెలువడలేదు.

తాజాగా ఈ చిత్రానికి రాజు వచ్చినాడు అన్న టైటిల్ పరిశీలిస్తున్నారనే టాక్ వినిపిస్తోంది. కథను అనుగుణంగా ఈ టైటిల్ అయితేనే బావుంటుందని డిసైడ్ అయినట్లు చెబుతున్నారు. ఎన్టీఆర్ దమ్ములో ఈ లిరిక్స్ తో ఓ పాట ఉండటం తెలిసిందే. ఇంతకు ముందు ఇంజనీర్ బాబు, గోకుల కృష్ణుడు, దేవుడు దిగివచ్చిన వేళ టైటిల్ వినిపించగా, ప్రస్తుత టైటిల్ పై అధికారిక ప్రకటన రావాల్సి ఉంది. సెప్టెంబర్ 2 పవర్ స్టార్ పుట్టిన రోజు ఫస్ట్ లుక్ టైటిల్ రివీల్ అయ్యే ఛాన్స్ ఉంది.

ఇక అనిరుధ్ సంగీతం సమకూరుస్తున్న ఈ చిత్రంలో కీర్తి సురేష్, అను ఇమ్మాన్యుయేల్ హీరోయిన్లుగా, కుష్బూ, ఆదిపినిశెట్టి కీలకపాత్రల్లో కనిపించబోతున్నారు.