చరణ్ ‘థని ఒరువన్’ రీమేక్ టైటిల్ ఫిక్స్

Posted: 02/16/2016 03:28 PM IST

‘బ్రూస్ లీ’ తర్వాత మెగాపవర్ స్టార్ రాంచరణ్ తేజ హీరోగా చేయబోయే సినిమా ఇంకా సెట్స్ పైకి వెళ్లలేదు. ‘బ్రూస్ లీ’ సినిమా గత ఏడాది విజయదశమి కానుకగా విడుదలయ్యింది. ఆ తర్వాత చరణ్ చేయబోయే కొత్త ప్రాజెక్ట్ సెట్స్ పైకి వెళ్లలేదు. తమిళంలో జయం రవి, నయనతార, అరవింద్ స్వామి ప్రధాన పాత్రలలో నటించిన ‘థని ఒరువన్’ చిత్రాన్ని తెలుగులో చరణ్ హీరోగా రీమేక్ కానుంది.

తమిళంలో ఈ సినిమా ఘన విజయం సాధించి, కలెక్షన్ల వర్షం కురిపించింది. ప్రస్తుతం ఈ చిత్రాన్ని తెలుగులో రాంచరణ్ హీరోగా రీమేక్ చేయనున్నారు. తెలుగులో ప్రముఖ కమర్షియల్ స్టైలిష్ డైరెక్టర్ సురేందర్ రెడ్డి దర్శకత్వం వహించనున్నాడు. తెలుగు నేటివిటికి తగ్గట్లుగా స్క్రిప్ట్ లో కొన్ని మార్పులు చేస్తున్నారు. తాజా సమాచారం ప్రకారం... తెలుగు వర్షెన్ కోసం ఈ చిత్రానికి ‘ధృవ’ అనే టైటిల్ ను ఖరారు చేసినట్లుగా తెలిసింది.

అలాగే ఈ చిత్రంలో చరణ్ సరసన శృతిహాసన్ ను హీరోయిన్ గా అనుకుంటున్నారు. తమిళంలో అరవింద్ స్వామి నటించిన విలన్ పాత్రను తెలుగులో కూడా అరవింద్ స్వామితో చేయించనున్నారు. ఏప్రిల్ నెలలో ఈ ప్రాజెక్ట్ సెట్స్ పైకి వెళ్లనుంది. ఈ చిత్రానికి సంబంధించిన అన్ని వివరాలను త్వరలోనే అధికారికంగా ప్రకటించనున్నారు.