‘ఖుషి’ సీక్వెల్ కు రేణు గ్రీన్ సిగ్నల్?

Posted: 01/09/2016 11:23 AM IST

పవర్ స్టార్ పవన్ కళ్యాణ్ నటించిన బ్లాక్ బస్టర్ హిట్ చిత్రాల్లో ‘ఖుషి’ ఒకటి. ఈ సినిమా పవన్ కళ్యాణ్ క్రేజ్ ను భారీగా పెంచేసింది. 2001లో వచ్చిన ఈ సినిమా అప్పట్లో భారీ కలెక్షన్లను రాబట్టింది. ప్రముఖ దర్శకుడు ఎస్.జె.సూర్య దర్శకత్వంలో నిర్మాత ఎఎం రత్నం నిర్మించారు. ఇందులో పవన్ సరసన భూమిక హీరోయిన్ గా నటించింది. మణిశర్మ అద్భుతమైన పాటలను అందించారు.

ఇందులోని పాటలు, డైలాగ్స్ ఇప్పటికీ మారుమ్రోగుతూనే వున్నాయి. అయితే ప్రస్తుతం ఈ చిత్రానికి తమిళంలో సీక్వెల్ రూపొందనుంది. గతంలో ‘ఖుషి’ చిత్రాన్ని తమిళంలో విజయ్ హీరోగా నటించారు. అక్కడ కూడా ఘనవిజయం సాధించింది. మళ్లీ ఇదే కాంబినేషన్లో ఈ సీక్వెల్ రూపొందనుంది. ప్రస్తుతం ఈ సీక్వెల్ కు సంబంధించిన స్ర్కిప్ట్ పనులు జరుగుతున్నాయి.

అయితే తెలుగులో కూడా ‘ఖుషీ’ సీక్వెల్ రూపొందించడానికి పవన్ కళ్యాణ్ మాజీ భార్య రేణుదేశాయ్ ప్రయత్నిస్తున్నట్లుగా తెలిసింది. ఇటీవలే న్యూఇయర్ సెలబ్రేషన్స్ సమయంలో రేణుదేశాయ్ ను కలిసిన సూర్య.. ఈ విషయంపై చర్చించినట్లుగా తెలుస్తోంది. రేణు కూడా ఇందుకు గ్రీన్ సిగ్నల్ ఇచ్చినట్లుగా సమాచారం.

ఒకవేళ అన్నికుదిరితే ఈ ప్రాజెక్ట్ త్వరలోనే సెట్స్ పైకి వెళ్లడం ఖాయమని తెలుస్తోంది. రేణు దేశాయ్ నిర్మాణ సారధ్యంలో నటించడం పవన్ కు ఎలాగో సంతోషమైన విషయమే కాబట్టి... ఎస్.జె.సూర్య పర్ఫెక్ట్ కథతో పవన్ కళ్యాణ్ ను సంప్రదిస్తే ‘ఖుషీ’ సీక్వెల్ సెట్స్ పైకి వెళ్లడం ఖాయమని అర్థమవుతోంది. త్వరలోనే ఈ ప్రాజెక్టుకు సంబంధించిన అన్ని వివరాలు అధికారికంగా ప్రకటించనున్నారు.