‘డిక్టేటర్’లో స్టార్ హీరోయిన్ ఎంట్రీ?

Posted: 12/11/2015 04:08 PM IST

నందమూరి బాలకృష్ణ హీరోగా నటిస్తున్న ‘డిక్టేటర్’ సినిమాలో అందమైన భామల హడావిడి బాగా ఎక్కువయ్యింది. ఇందులో బాలయ్య సరసన అంజలి, సోనల్ చౌహన్ లు హీరోయిన్లుగా నటిస్తున్నారు. అలాగే హీరోయిన్ అక్ష ఓ ముఖ్య పాత్రలో నటిస్తుంది. వీరు ముగ్గురు కూడా వారి అందచందాలతో గ్లామర్ పరంగా బాగా ప్లస్ కానున్నారు. ఇదిలా వుండగా ఈ సినిమాలో మరో స్టార్ హీరోయిన్ స్పెషల్ ఎంట్రీ ఇవ్వనున్నట్లుగా తెలిసింది.

తాజా సమాచారం ప్రకారం ‘డిక్టేటర్’ సినిమాలో తమిళ స్టార్ హీరోయిన్ నయనతార ఓ గెస్ట్ పాత్రలో నటించడానికి అంగీకరించినట్లుగా తెలిసింది. గతంలో బాలయ్య-నయనతారల కాంబినేషన్లో ‘సింహ’ వంటి భారీ బ్లాక్ బస్టర్ హిట్ చిత్రం వచ్చింది. ఇందులో వీరి కెమిస్ట్రీకి మంచి మార్కులే పడ్డాయి. ఆ హిట్ సెంటిమెంట్ ఈ సినిమాకు కూడా వర్కౌట్ అవుతుందనే వుద్దేశ్యంతో ‘డిక్టేటర్’ సినిమా కోసం నయనతారను సంప్రదిస్తున్నట్లుగా తెలిసింది.

ప్రస్తుతం ఈ చిత్ర షూటింగ్ శరవేగంగా జరుగుతోంది. శ్రీవాస్ దర్శకత్వంలో తెరకెక్కుతున్న ఈ చిత్రాన్ని ఈరోస్ ఇంటర్నేషనల్ బ్యానర్ మరియు వేదాశ్వ క్రియేషన్స్ సంస్థ సంయుక్తంగా నిర్మిస్తున్నారు. థమన్ సంగీతం అందిస్తున్నాడు. వచ్చే ఏడాది సంక్రాంతి కానుకగా ‘డిక్టేటర్’ ను విడుదల చేయడానికి సన్నాహాలు చేస్తున్నారు.